MESA буюу Монголын электрон спортын холбоо Монгол Улсын нийслэл Улаанбаатар хотноо 2023 оны "CS:GO"-ийн эхний дэлхийн аварга шалгаруулах тэмцээний Ази тивийн тэмцээн "BLAST.tv Paris Major – Asia RMR"-ийн албан ёсоор зохион байгуулахаар сонгогдсоныг бахархалтайгаар зарлаж байна.

"Valve"-ийн албан ёсны тус тэмцээнийг дэлхийн хамгийн шилдэг "esports" байгууллагуудын нэг "BLAST" Францын Парис хотноо зохион байгуулахаар болсон ба Европ тивийн аваргыг "BLAST" бие дааж, Америк тивийг "Liga Ace" байгууллага Мексикт, Ази тивийн аваргыг "MESA" зохион байгуулах хариуцлагатай үүрэг даалгаврыг хүлээн авчээ.