Авлигатай тэмцэх газраас Хөдөлмөр, нийгмийн хамгааллын сайд Т.Аюурсайханы туслахаар ажиллаж байсан И.Даваадоржийг саатуулжээ. Түүнийг нүүрсний хэрэгтэй холбогдуулан өнгөрсөн Баасан гаригт саатуулсан гэдгийг албаныхан мэдээллээ.

Ишравжаагийн Даваадорж нь 2020 оны орон нутгийн сонгуулиар Чингэлтэй дүүргийн ИТХ-ын төлөөлөгч, дүүргийн МАН-ын хорооны дэд даргаар ажиллаж байсан бөгөөд одоо Хөдөлмөр, нийгмийн хамгааллын яамны харьяа Хөгжлийн бэрхшээлтэй хүний хөгжлийн ерөнхий газрын даргаар томилогдон ажиллаж байгаа аж. Зарим эх сурвалжийн мэдээлснээр И.Даваадорж нь Ар гүнт, Арцатын аманд хаус хорооллын хоёр том төсөл эхлүүлээд байгаа гэнэ.