Дээд лигийн М Гарьд баг Азид өрсөлдөнө

Хуучирсан мэдээ: 2023.01.10-нд нийтлэгдсэн

The League

Дээд лигийн М Гарьд баг Азид өрсөлдөнө

Дээд лигийн М Гарьд баг Азид өрсөлдөнө

60 жилийн түүхтэй Монголын сагсан бөмбөгийн хөгжил, түүхийн шинэ хуудас нээхээр боллоо. Зүүн өмнөд Азийн найман улсын баг өрсөлддөг "ASEAN Basketball League"-т Монгол Улс өрсөлдөх цаг хаяанд иржээ.

Өнгөрөгч долоо хоногт Сингапурт "ABL"-ийн ээлжит бус хурал болсон бөгөөд цар тахлаас хойш анх удаагаа Азийн клубийн эзэд чуулж, дараагийн таван жилийн төлөвлөгөөгөө ярилцжээ. Хуралд Хонконг, Индонез, Макао, Малайз, Филиппин, Сингапур, Тайланд, Вьетнамын найман багийн төлөөлөл гишүүнээр оролцсон бол зочин багаар Монгол сагсан бөмбөгийн дээд лигийн М Гарьд баг оролцсон аж.

Тэд Монголын сагсан бөмбөгийн хөгжил сүүлийн жилүүдэд хурдацтай хөгжиж байгааг онцлоод, зөвхөн шигшээ багийн түвшинд биш, клубын түвшинд Азид ур чадвараа сориход бэлэн байгаагаа илэрхийлжээ. "ASEAN Basketball League"-ийн 2023-2024 оны улирал арваннэгдүгээр сард эхлэх бөгөөд Монгол Улсын сагсан бөмбөгчид өөрийн эх орондоо Азийн клубүүдийг хүлээн авч тоглодог, хагас жилийн турш Азийн бусад улсуудаар зочилж тоглодог болох гэнэ.

Дашрамд сонирхуулахад, өнгөрөгч арваннэгдүгээр сард Монгол Улсад ирсэн Малайзын шигшээ баг тус тэмцээнд бүрэн бүрэлдэхүүнээр нэг баг болон тоглож байгаа нь тэмцээний чансаа хэр өндөр болохыг илтгэж байна.

Энэ мэдээнд өгөх таны сэтгэгдэл?
3
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж