АН: ҮБХ хуралдаж, намын даргын асуудлыг ярина

Хуучирсан мэдээ: 2023.01.09-нд нийтлэгдсэн

АН: ҮБХ хуралдаж, намын даргын асуудлыг ярина

АН: ҮБХ хуралдаж, намын даргын асуудлыг ярина

УИХ дахь Ардчилсан намын бүлгийн хурлаас гаргасан шийдвэрийг өнөөдөр /2023.01.09/ танилцууллаа.


АН-ын бүлгийн дарга О.Цогтгэрэл:

-УИХ ямар асуудлуудыг шийдэх ёстой байсан бэ. Намрын чуулганаар гол хуулиуд, бодлогыг эрх баригчид боловсруулж чадсангүй. Гадаадын шууд хөрөнгө оруулалтыг татах шийдэл гарсангүй. Нийгмийн даатгалыг багц хууль, тэтгэврийн шинэчлэлийн асуудлыг хэлэлцэж чадсангүй. Үндсэндээ энэ бүхний буруутан нь Үндсэн хууль юм шиг болж байна. Ардчилсан намын бүлгийн гишүүдийн өргөн барьсан хуулийн төслүүдийг хэлэлцдэггүй.

Бид намын эв нэгдэлтэй холбоотойгоор 2023 оны нэгдүгээр сарын 13-ны өдөр буюу шинэ Үндсэн хууль батлагдсан өдөр Ардчилсан намын Үндсэний бодлогын хорооны хурлыг зарлаж байна.

Бүх асуудлыг нээлттэй ярилцах боломжтой. Эв нэгдлийн асуудлаа шийднэ. Ардчилсан намынхан эв зүйгээ ололцож чадсангүй. Ардчилсан намын бүлгээс зохион байгуулах гэж байгаа хурлыг ирэх Баасан гаригт өргөн хүрээтэй, хууль шүүхийн маргаангүй зохион байгуулна. Үндсэний бодлогын хорооны хуралд 300 орчим гишүүн оролцоно. Х.Баттулгыг дэмжигч гишүүд ч ирж, оролцохыг урьж байна.

УИХ-ын гишүүн Ж.Батсуурь:

-Намын бүлгээс Их эвлэрэлийн ажлын хэсгийг байгуулж, ахлагчаар намайг томилсон. Өнгөрсөн 14 хоногийн хугацаанд маргалдагч талуудтай уулзаж, ярилцсан. Ажлын хэсгийн 39 гишүүний 70 хувийн оролцоотой дөрвөн удаагийн хурал хийсэн. Энэ хурлаар бид саналаа нэгтгэж байгаа. Зөвлөлдөх зөвлөгөөнийг МХАҮТ-д хийж, 215 гишүүн оролцсон. Бид ирэх Баасан гаригт Ардчилсан намын Үндэсний бодлогын хороог хуралдуулахаар боллоо.

С.Эрдэнийг дагаж буй 100 орчим гишүүд бий. Тэр бүх хүмүүс хуралд биеэр ирж оролцоно уу. Энэ хуралд намын маргалдагч талуудын ихэнх нь ирнэ. Намын дарга байхгүй байгаа. Нэг л намын нэгдлээр удирдах бүрэлдэхүүн 300 орчим гишүүн хуралдахаа илэрхийлээд байна.  Бид хамтдаа намын даргад нэр дэвшигчдийн журмаа хэлэлцэж, их хурлаараа сонгон батламжилна.

УИХ-ын гишүүн Б.Пүрэвдорж:

-Өнгөрсөн 2016-2020 оны үед У.Хүрэлсүхийн Засгийн газрыг огцруулах асуудалд тухайн үед Ерөнхийлөгч байсан Х.Баттулга манай намын гурван гишүүнийг өөр санал өгүүлж, авч үлдсэн. Ингэснээр Ардчилсан намыг сонгуулийн ялагдалд хүргэсэн. Энэ хүн бидний танихгүй н.Мөнхбаяр гэдэг хүнийг Улсын дээл шүүхэд бүртгүүлэхээр явж ирсэн. Эрх баригчидтай хамтран тоглолт хийж, намыг ирэх 2024 оны сонгуульд ялагдуулах гэсэн аргаа хэрэгжүүлж байна.

Үүний гол буруутан Х.Баттулга. Үүнийг нь С.Эрдэнийн тал эсэргүүцдэг. Өнөөдөр энэ хоёр тал нийлээд, Ардчилсан намыг сонгуульд унагахаар нэгдэж байна. Тиймээс Ардчилсан намын Үндсэний бодлогын хороо хуралдаж намын даргаа сонгох асуудлыг ярих гэж байна.

Энэ мэдээнд өгөх таны сэтгэгдэл?
3
ЗөвЗөв
3
ХахаХаха
2
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж