Реппер 50 цент, Эминем нар “8 mile” киноноос сэдэвлэн телевизийн цуврал шоу хийж байна. Энэ талаар 50 цент инстаграм хуудсаараа дамжуулан Баасан гаригт мэдэгджээ. “Тийм ээ, та нар намайг тоглож байна гэж бодож байна уу? Би үнэнийг хэлж байна, энэ шоу галзуу байх болно” гэж тэр хэлэв. Шоуны гол зорилго нь орчин үеийн залуучуудад Эминемийн түүх, нөлөөллийн талаар ойлголт өгөх юм.

50 цент өмнө нь “Starz”, “Power” зэрэг алдартай шоу хийж байсан. Түүнчлэн 2020 оноос хойш “ABC” сувгаар гарсан "For Life" гэмт хэргийн драмын хоёр ангид тоглосон туршлагатай.

Харин Эминемийн хувьд “8 mile” кинонд хагас намтарчилсан түүхээ үзүүлж байв. Энэхүү кино хэд хэдэн шагнал хүртсэн. Киноны дуу болох “Lose Yourself” нь 2003 онд Оскарын шагнал гардуулах ёслолын үеэр “Шилдэг дуу”-аар шалгарч байв. “8 mile” кинонд Ким Бейсингер, Майкл Шеннон, Энтони Макки нар тоглосон бөгөөд реппер “Xzibit”, “Proof”, “Obie Trice” нар туслах дүр бүтээжээ.

Эх сурвалж: DAILY MAIL