Өвлийн дунд сарын шинийн 15-ны сайн өдөр Монголын үндэсний бөхийн холбоо Монгол бөхийн өргөөнийхөө тооныг шинэчилж бүтээлээ. Хуучин тоононы диаметр 3,5 метр байсан бол шинэ тооно 6 метрийн диаметртэй хоёр дахин хөнгөн байхаар хийгдсэн байна.

1998 оны арванхоёрдугаар сард бөхөд хайртай түмний буянаар ашиглалтад орсон, 2500 үзэгчийн суудалтай энэхүү өргөө өнгөрсөн жил нэгдүгээр давхартаа засварын ажил хийгээд зогсохгүй гаднах дөрвөн хүчтэн болон соёмбо алтан шаргал болж, өнгө нэмсэн. Мөн гаднах фасад болон 10 гаруй жил болсон хивсээ сольсон билээ.