Европ даяар нэгдүгээр сарын температур Цельсийн нэмэх градус хүрч, дулаахан өвөл болж буйгаас Альпийн нурууг түшиглэн үйл ажиллагаа явуулдаг цанын баазнууд цасгүйн улмаас хаагджээ. Цаг агаар дулаарснаас цас биш бороо орж, Альпийн нурууны цасыг "хайлуулж" угаасан аж. Одоогийн байдлаар 3230 метрийн өндөрт орших Вал Торенс зэрэг өндөр уулын цанын бааз ажиллаж байна. Ерөнхийдөө Европын цанын баазууд нам дор байрладаг учраас олонх нь хаагдсан байна.

Швейцариас Польш, Унгар хүртэл хамгийн дулаан өвөл болж байгаа бөгөөд Будапешт хотод нэгдүгээр сарын 1-ний өдөр агаарын температур Цельсийн 18.9 градус хүрсэн аж.  Түүнчлэн Францад ойрын өдрүүдэд агаарын температур Цельсийн 25 градус хүрч халжээ.