Монгол улсын зөвлөх инженер, аж үйлдвэрийн гавьяат ажилтан Т.Цоодолын “Шохойн технологи” номын нээлт ирэх Баасан гаригт/2023.01.06/ болно. “Цементийн Цоодол” хэмээн Хөтөлийн "Цемент Шохой" ХК-ийн хамт олондоо хүндлэгдсэн тэрбээр өмнө нь “Цементийн технологи” бүтээлээ эрдэмтэн судлаачид, уншигч олноо өргөн барьж байлаа.

Тэгвэл энэ удаад “Монголын барилгын материал үйлдвэрлэгчдийн холбоо ТББ – 20 жил” үйл ажиллагааны хэсэг болох Материал үйлдвэрлэлийн салбарын бүтээлийг алдаршуулах, танилцуулах зорилгоор түүний “Шохойн технологи” номын нээлт ирэх Бямба гаригт буюу нэгдүгээр сарын 6-ны өдөр Барилгын хөгжлийн төвийн тавдугаарт давхарт 10.00-12.00 цагийн хооронд болох аж. Иймд та бүхнийг өргөнөөр хүрэлцэн ирэхийг урьж байна.