Ардчилсан намын Эв нэгдлийн ажлын хэсгээс Үндэсний бодлогын хорооны гишүүдэд зориулан "Эв нэгдэл" зөвлөгөөнийг өнөөдөр /2023.01.04/ зохион байгуулна. Тус зөвлөгөөн Монголын худалдаа аж үйлдвэрийн танхимд болно. Энэ талаар УИХ-ын гишүүн Ж.Батсуурь "Нэгдүгээр сарын 4-нд 12.00 цагт Үндэсний бодлогын хорооны нийт гишүүний зөвлөлдөх уулзалтыг Монголын Үндэсний худалдаа, аж үйлдвэрийн танхимд хийхээр ҮБХ-ны бүх гишүүндээ урилга хүргүүлж байна. Өмнө нь ковид, цахим, тамгатай, тамгагүй гээд тодорхой хэмжээнд салж бутарсан байсан ҮБХ-ны гишүүдээ бүгдийг нь дуудаж санал бодлоо солилцож, ойрын хугацаанд ҮБХ-гоо хуралдуулъя, намын дүрэм журамдаа өөрчлөлт оруулъя, дараагийн шинэ намын удирдлагыг сонгож, дээд шүүхэд бүртгүүлж, богино хугацаанд намаа цэгцэлж авах ажлын хэсэг байгаа юм" гэв.