Ерөнхий сайдын ахлах зөвлөхөөр Д.Амгаланбаатарыг томилжээ. Ерөнхий сайд ахлах зөвлөхийг оролцуулаад нийт 10 зөвлөхтэй. Д.Амгаланбаатар нь Ерөнхий сайдын  Хот хөдөөгийн хөгжлийн тэнцвэрийг хангах, төвлөрлийг сааруулах, автозамын түгжрэлийг бууруулах үндэсний хорооны зөвлөхөөр ажиллаж байсан юм. Үүнээс өмнө Хэнтий аймгийн ИТХ-ын төлөөлөгч, тэргүүлэгчээр ажиллаж байжээ.

МАН-ын Бага хурал өнгөрсөн долоо хоногт цахимаар хуралдаж, зарим томилгоог хийсэн. Тухайлбал, Ерөнхий сайдын ахлах зөвлөхөөр ажиллаж байсан  А.Ариунзаяаг МАН-ын  нарийн бичгийн даргаар томилсон тул дээрх зохицуулалтыг хийжээ.

Г.ХОРОЛ