Кристиано Роналдо албан ёсоор Саудын Арабын Аль Насср клубтэй нэгдэж, Европ дахь хөлбөмбөгийн замналдаа цэг тавьсан гэх хилсдэхгүй. Ирэх хоёрдугаар сард 38 нас хүрэх түүний нүсэр гэрээ 2025 онд дуусах учир 40 настай Роналдог Европын хөлбөмбөгт, УЕФА Аваргуудын лигт тоглоно гэж олон хүн бодохгүй байна.

Гэхдээ тэр Европоос хүртэж болох бүхий л цом, шагнал, нэр алдрыг хүртсэн. Харин одоо тэрбумтан, бизнесмен болох замдаа гарчихлаа. Тэрбээр Аль Нассар клубтэй 2.5 жилийн гэрээ байгуулсан бөгөөд зөвхөн цалингаасаа жилд 200 гаруй сая ам.доллар олох гэнэ. Үүн дээр реклам, зар сурталчилгаа болон бусад бонус нэмэгдэх аж.

Роналдогийн цалинг задалбал,

• 1 жилд – 200 сая ам.доллар
• 1 сард – 16.6 сая ам.доллар
• 1 долоо хоногт – 4.1 сая ам.доллар
• 1 өдөрт – 548 мянган ам.доллар
• 1 цагт – 22,833 ам.доллар
• 1 минутад – 380 ам.доллар
• 1 секундэд – 6.34 ам.доллар олж байна.

Өөрөөр хэлбэл, Монголбанкны өнөөдрийн ханшаар Роналдо нэг минутад 1.3 сая төгрөг, нэг цагт 78 гаруй сая төгрөг олж байна. Роналдо өмнөх клуб болох Манчестер Юнайтедаас долоо хоногийн 600 мянган ам.долларын цалин авч байсанаараа Премьер лигийн хамгийн өндөр цалинтай хөлбөмбөгчин байв.

2025 он гэхэд Роналдо замналынхаа туршид зөвхөн цалингаасаа нэг тэрбум ам.доллар олсон байх болно гэх тооцоо гаржээ.