Үндэсний эрх чөлөө, тусгаар тогтнолоо сэргээн мандуулсны түүхт 111 жилийн ойн баярт зориулсан хүчит 128 бөхийн барилдаан Монгол бөхийн өргөөнд болж өндөрлөлөө. Тус барилдаанд Сэлэнгэ аймгийн Цагааннуур сумын харьяат, “Алдар” спорт хороо, “Таван хан” дэвжээний бөх улсын арслан Баярсайханы Орхонбаяр долоо даван түрүүллээ.

Ховд аймгийн зэрэг сумын харьяат, Зэвсэгт хүчний 034-р анги, “Алдар” спорт хороо, “Монтед” констракшны бөх улсын харцага Баярхүүгийн Бат-Өлзий үзүүрлэв. Шөвгийн дөрөвт Ховд аймгийн Буянт сумын харьяат, улсын харцага Оргихын Хангай, Баянхонгор аймгийн Баянбулаг сумын харьяат, улсын харцага Нацагсүрэнгийн Золбоо нар үлдсэн.

Энэхүү барилдааныг анх 1984 онд Спортын төв ордонд зохион байгуулж байсан бөгөөд 128 бөхөөс дархан аварга Х.Баянмөнх түрүүлж, улсын аварга Д.Хадбаатар үзүүрлэж байв. Харин 1990 оноос хойш өнөөг хүртэл тогтмол зохион байгуулсаар ирсэн юм. Энэхүү барилдаан өнгөрсөн жил Covid-19-ийн улмаас хойшилсон билээ.