Америкчууд 2023 онд олноороо гадаадад аялахаар төлөвлөж байна. Цар тахлын айдас буурч, хилийн хязгаарлалтууд багассан тул ирэх оноос аялахаар төлөвлөж буй америкчуудын эрэлт тийз захиалга нэмэгдсэн байна.  Аялал жуулчлалын мэргэжилтнүүдийн үзэж байгаагаар ам.долларын ханш евро зэрэг валюттай харьцуулахад харьцангуй хүчтэй хэвээр байгаа бөгөөд уян хатан ажил нь том аялалд боломж олгож, зарим агаарын тээврийн компаниуд хилийн чанадад хүрэх холын зайн шинэ чиглэлүүдийг нэмжээ.

Аялал жуулчлалын зах зээлийн судалгааны “Destination Analysts” фирмийн саяхан явуулсан санал асуулгаар америкчуудын 31 хувь нь дотоодын аялал гэхээсээ илүү олон улсын аялал сонирхдог байна.

Энэ нь арваннэгдүгээр сарын байдлаар жилийн эхнээс зургаан пунктээр өссөн бөгөөд он гарснаас хойшхи хамгийн өндөр үзүүлэлт юм. Үүний зэрэгцээ, 2023 оны арванхоёрдугаар сарын эхний долоо хоногт хийсэн нислэгийн хайлтын 62 хувь нь олон улсын нислэгийн нислэг байсан бол өнгөрсөн оны мөн үеийнхээс 55 хувиар өссөн гэж “Hopper”-ийн саяхан гаргасан тайланд дурджээ. Компанийн арванхоёрдугаар сарын 18-ны өдрийн мэдээллээс үзвэл, Каяк дээр гадаадад нислэг хийх хайлт жилийн өмнөхөөс 1.3 хувиар өссөн байна. Эсрэгээрээ дотоодын нислэгүүд 13 хувиар буурсан байна.

Цар тахлаас болж олон улс орон хилээ гадаадын жуулчдад бүрэн хаасан. Одоо ихэнх нь аялагчдыг, ялангуяа цар тахлын эсрэг вакцинтай хүмүүсийг дахин угтаж эхэлсэн.

Бүрэн вакцин хийлгэсэн жуулчид цар тахлын шинжилгээ, хорио цээрийн дэглэмгүйгээр 197 улс руу нэвтрэх боломжтой бөгөөд нэмэлт 16 улс нээлттэй боловч шинжилгээ хийлгэх шаардлагатай гэж “Kayak”-ийн мэдээлэлд дурджээ.

Хятад, Ливи, Туркменистан, Йемен зэрэг ердөө 12 улс вакцин хийлгэсэн америкчуудад хаалттай хэвээр байгаа аж. Олон оронд вакцин хийлгээгүй хүмүүст илүү их хязгаарлалт тавьдаг. Өвчнийг хянах, урьдчилан сэргийлэх төвөөс мэдээлснээр америкчуудын 69 орчим хувь нь вакцинд бүрэн хамрагдсан байна.

Ази, Номхон далайн бүс нутаг 2022 оны хоёрдугаар хагаст хилээ нээгдэж байгаа тул 2023 онд хамгийн том аялалын өсөлт гарах төлөвтэй байна гэж аялал жуулчлалын мэргэжилтнүүд мэдэгдэв.

Америкчуудын олонх нь Японд аялах сонирхол их байгаа нь ажиглагджээ. Тус улс аравдугаар сарын 11-нд хилээ дахин нээсэн бөгөөд зарим хязгаарлалт хэвээр үлдсэн.

Хопперын мэдээллээс харахад Ази тив бүх бүс нутгуудаас хамгийн их эрэлт хэрэгцээтэй байгаа нь өнгөрсөн онд 19 хувь нь Азийн хотууд руу чиглэсэн олон улсын нислэгийн хайлтын 27 хувийг эзэлдэг байна. Энэ сарын эхээр олон улсын нислэгийн топ 10 чиглэлийн найм нь Ази, Далайн орнуудад байсан гэж Хоппер хэлэв.

ЭХ СУРВАЛЖ: СNBC