Монгол Улсын бүх нийтээр тэмдэглэх баярын болон тэмдэглэлт өдрүүдийн тухай хуульд зааснаар энэ оны сүүлчийн бүх нийтийн амралтын өдөр “Үндэсний эрх чөлөө, тусгаар тогтнолоо сэргээсний баярын өдөр” арванхоёрдугаар сарын 29-ний өдөр тохиох юм. Түүнчлэн жилийн хамгийн эхний өдрийг нэгдүгээр сарын 1-ээс тооцож бүх нийтээр амардаг билээ. Тэгвэл эдгээр өдрүүдэд дугаарын хязгаарлалт үйлчлэхгүй аж.

Тээврийн цагдаагийн албаны мэдээллээр, “Нийслэлийн засаг даргын 2020 оны А/1037 дугаар захирамжаар Улаанбаатар хотын авто замын ачааллыг бууруулах цогц арга хэмжээний хүрээнд нийслэл хотод бүсчлэл тогтоож, автомашины улсын дугаарын сүүлийн оронгоор хязгаарлаж хөдөлгөөнд оролцуулах зохицуулалтыг хийсэн. /Нийслэлийн засаг даргын 2020 оны А/1037 дугаар захирамж/-аар шинэчилсэн байдаг.

Автомашины улсын дугаарын сүүлийн орон:

• 1, 6-аар төгссөн бол Даваа гарагт
• 2, 7-оор төгссөн бол Мягмар гарагт
• 3, 8-аар төгссөн бол Лхагва гарагт
• 4, 9-өөр төгссөн бол Пүрэв гарагт
• 5, 0-ээр төгссөн бол Баасан гарагт

Өглөөний 08:00 цагаас оройн 20.00 цагийн хооронд дугаарын хязгаарын бүс буюу 32-ын тойргоос 120 мянгатын уулзвар, Саппорогийн уулзвараас Чулуун овооны тойрог хүртэлх замд хөдөлгөөнд оролцохыг хориглосон байдаг. Бүх нийтийн амралтын өдрүүдэд дугаарын хязгаарлалт үйлчлэхгүй” гэжээ.