Баянгол дүүргийн 20-р хорооны нутаг дэвсгэрт Саппорогийн автобусны буудлын урд автобус шатаж байна гэсэн дуудлагаар хамрах хүрээний дагуу Сонгинохайрхан дүүргийн Онцгой байдлын хэлтсийн ГТУА-26-р ангийн салааны захирагч ахлах дэслэгч М.Болор-Эрдэнээр ахлуулсан найман алба хаагч хоёр автомашинтай гарч хүрэлцэн очжээ. Онцгой байдлынхан 86-16 УБТ улсын дугаартай Хуандэй 99 орон нутагт явдаг 45 хүний суудалтай автобус шатаж байсныг унтрааж ажилласан байна.

Галын аюулгүй байдлыг хангаж ажиллахыг иргэд, аж ахуйн нэгж байгууллагад анхааруулж байна гэж нийслэлийн Онцгой байдлын газраас мэдээллээ.

Нийслэлийн Онцгой байдлын газар