Шинэ Зеланд улс ирэх жилээс эхлэн янжуур тамхины хоригийг бүрэн хэрэгжүүлнэ.

Мягмар гарагт /12 сарын 13/ Парламент-аас баталсан хууль тогтоомжоор 2008 оноос хойш төрсөн хэн ч янжуур тамхи худалдан авах боломжгүй болно гэсэн үг юм.

Энэ нь жил ирэх бүр тамхи худалдан авах боломжтой хүмүүсийн тоо багасна гэсэн үг. Жишээлбэл, 2050 он гэхэд 40 настай хүмүүс тамхи худалдаж авахад хэтэрхий залуу байх болно.

Хуулийн төслийг танилцуулсан Эрүүл мэндийн сайд Айеша Веррал энэ нь "тамхигүй ирээдүй рүү чиглэсэн алхам" гэж мэдэгдэв.

"Мянга мянган хүн урт наслаж, эрүүл саруул амьдарч, тамхинаас үүдэлтэй өвчлөлийг эмчлэхэд шаардагддаг 5 тэрбум NZ$ (3.2 тэрбум ам. доллар) хэмнэгдэнэ" гэж доктор Веррал хэлэв.

Шинэ Зеландын тамхи татах түвшин аль хэдийн түүхэн доод түвшиндээ хүрч, 11-р сард гаргасан Засгийн Газрын статистик мэдээллээр насанд хүрэгчдийн ердөө 8% нь өдөр бүр тамхи татдаг болсон ба өнгөрсөн жил 9.4% байсан байна.

Тамхигүй орчны тухай хуулийн төслөөр 2025 он гэхэд энэ тоог 5 хувиас доош болгон бууруулж, эцсийн дүндээ тамхидалтыг бүрмөсөн арилгах зорилготой гэж найдаж байна.

Мөн уг хуулийн төслийг улсын хэмжээнд тамхи татдаг тамхи борлуулах жижиглэн худалдаалагчдын тоог одоогийн байдлаар 6000-аас 600 болгон хязгаарлаж, донтолтыг бууруулахын тулд бүтээгдэхүүн дэх никотины хэмжээг бууруулах зарчмыг баримтлах зорилготой юм.

"Энэ нь никотиныг донтуулдаггүй хэмжээнд хүртэл бууруулж, олон нийт тамхины бүтээгдэхүүнийг тодорхой бүс нутагт жижиглэн худалдаачдын тархалт, бөөгнөрөлөөс ангид болно" гэж доктор Веррал хэлэв.

Тамхигүй ирээдүйн төлөө гаргаж буй Хууль тогтоомж нь нутгийн уугуул иргэд болох Маори болон Маори бус иргэдийн дундаж наслалтыг ойртуулж магадгүй гэж тэр нэмж хэлэв. Маори иргэдийн тамхидалтын түвшин 19.9% байгаа нь өнгөрсөн он /22.3%/ той харьцуулахад буурсан үзүүлэлттэй байна.

Харин шинэ хууль тогтоомж нь залуу үеийнхний дунд түгээмэл болсон vape бүтээгдэхүүнийг хориглоогүй байна.

ЭХ СУРВАЛЖ: https://www.bbc.com/news/world-asia-63954862