Киевт дэлбэрэлтүүд болж, агаарын довтолгооны дохио дуугарлаа

Украины нийслэл Киев хотыг өнөөдөр үүрээр агаараас бөмбөгдөж эхэлсэн тухай мэдээллээ. "Aljazeera" агентлагт мэдээлснээр өнөө өглөө орон нутгийн цагаар 05:55 цагт /Улаанбаатараас 6 цагийн зөрүүтэй/ агаарын довтолгооноос анхааруулах дохио дуугарч, оршин суугчдыг хорогдох байранд орохыг сануулсан байна.

Киев хотын төвд гурван удаа дэлбэрэлтийн чимээ сонсогдсон ба хотын дарга Виталий Клищко мэдээлэхдээ, Шевченкивский дүүрэг рүү яаралтай тусламжийнхныг илгээсэн гэв. Тэрбээр дэлгэрэнгүй мэдээллийг удахгүй өгнө гэж Телеграмд бичжээ.