Одоогоос арван жилийн өмнө 12 настай Хулиан Алварез гэх хүү өөрийн шүтээн Лионель Мессигээс зургаа хамт даруулахыг гуйж байв. Тэгвэл 2022 онд өнөөх хүү нь Мессигийн арыг дааж, дэлхийн аваргын алтан цом хүртэх замд нь хөтлөөд явж байна.

Орон нутгийн цагаар өчигдөр болсон Аргентин-Хорватын тоглолтод Алварез гангарч, дэлхий баяссан. Тэрбээр Мессигийн эхний гоолын торгуулийн цохилтыг авчирч дараа нь өөрөө хоёр гоол оруулав. Өөрөөр хэлбэл, гурван гоолд гар бие оролцон хоёрыг нь өөрийнхөө нэр дээр бичүүлсэн.

Английн Манчестер Сити клубд өнгөрсөн зун 21.4 сая еврогоор ирж байсан энэ хүү Катарын дэлхийн аваргад аль хэдийнэ дөрвөн гоол оруулжээ.

Хорватын эсрэг тоглолтод шилдгээр шалгарсан Месси “Хэрэв би энэ шагналаа өөр хүнд өгөх сонголт байсан бол Алварезт өгөх байлаа. Тэр тоглолтыг нээж, энд тэндгүй гүйж, бүхнийг нурааж, тэмцэж байсан” гэв.

Хулиан Алварезын бага насны нэгэн бичлэг саяхан ил болсон бөгөөд тус бичлэгт тэрбээр ДАШТ-д Месситэй хамт тоглох мөрөөдөлтэй гэж ярьжээ. Түүнээс “Чиний мөрөөдөл юу вэ?” гэхэд “Дэлхийн аваргад тоглох” гэсэн бол “Чиний шүтээн хэн бэ?” гэж асуухад “Месси” гэж хариулсан аж.

Things came full circle for Julián Álvarez 🙏

“What’s your dream in football?”
“Play in a World Cup.”
“Who’s your idol?”
“Messi.”

🎥: @RobertoRojas97 pic.twitter.com/kosGLtfj9W

— 𝐓𝐡𝐞 𝐒𝐩𝐨𝐫𝐭𝐢𝐧𝐠 𝐍𝐞𝐰𝐬 (@sportingnews) December 13, 2022