Суданы олон мянган исламистууд НҮБ-ын энхийг сахиулах ажиллагааг эсэргүүцэн  Бямба гаригт жагслаа. “Суданы асуудалд битгий хөндлөнгөөс оролц" гэж Хартум дахь НҮБ-ын төлөөлөгчийн газрын байрны гадаа жагсагчид хашгирав. Бусад нь НҮБ-ын тусгай төлөөлөгч Волкер Пертэсийг Суданаас "гарах"-ыг уриалав. “Бид энэ гэрээг эсэргүүцэж байна" гэж жагсагч Ахмед Омар хэлэв.

Суданд өнгөрсөн жил болсон төрийн эргэлтийн улмаас үүссэн улс төрийн хямралыг шийдвэрлэхээр НҮБ-ын мандаттай энхийг сахиулах ажиллагаа үргэлжилж буй.

Суданы цэргийн удирдагчид болон иргэний гол бүлэг анхны хэлэлцээрт гарын үсэг зурахаар төлөвлөж байгаагаа зарласны дараа жагсаал эхэлэсэн бөгөөд сүүлийн долоо хоногт үргэлжилж байна. Баасан гаригт цэргийн удирдагчид 2021 оны төрийн эргэлтээр түлхэн унагасан иргэний гол эвсэл болох Эрх чөлөө, өөрчлөлтийн хүчнийхэнтэй уулзсан.

Армийн командлагч Абдель Фаттах аль-Бурхан 2021 оны аравдугаар сард цэргийн эрх мэдлийг гартаа авснаас хойш Суданд улс төрийн үймээн самуун үүсээд байна.
Энэ нь 2019 онд лалын шашинт удирдагч Омар аль-Баширыг огцруулсны дараа иргэний засаглалд шилжих үйл явцыг зогсоож байна.

Суданы алслагдсан бүс нутгуудад долоо хоног бүр болдог төрийн эргэлтийн эсрэг жагсаал, эдийн засгийн хямрал, үндэстэн ястны мөргөлдөөн нэмэгдэж байгаа нь эмх замбараагүй байдлыг улам гүнзгийрүүлж байна.

ЭХ СУРВАЛЖ: ASSOCIATED PRESS