О.Билгүүн: Хэний ч мөнгөн хөрөнгийг төвлөрүүлж хөрөнгө босгоогүй | News.MN

О.Билгүүн: Хэний ч мөнгөн хөрөнгийг төвлөрүүлж хөрөнгө босгоогүй

О.Билгүүн: Хэний ч мөнгөн хөрөнгийг төвлөрүүлж хөрөнгө босгоогүй

О.Билгүүн: Хэний ч мөнгөн хөрөнгийг төвлөрүүлж хөрөнгө босгоогүй

Загвар өмсөгч О.Билгүүн инстаграмаар дамжуулан 450 доллар оруулаад 2000 доллар болгож үржүүлээд авах боломжтой хөрөнгө оруулалтын талаар мэдээлжээ. Энэ мэдээлэл нь цахим хуудаснаа хүмүүсийн итгэлийг далимдуулан залилах гэмт хэрэгт уруу татаж байна хэмээн олны шүүмжлэлд өртөөд буй. Энэ талаар хоёр талын эх сурвалжаас тодруулснаа хүргэе. 


О.Билгүүн "Бид БНХАУ-ын крипто зах зээл дээр хүч түрэн гарч ирж буй шинэ төрлийн блокчэйн платформ дээр суурилсан крипто төслийг Монголын зах зээл рүү оруулж ирээд ажиллаж байна. Энэ нь TURING SMART CHAIN (TSC) гэдэг блокчэйн платформ юм. Уг платформ маань төвлөрсөн бус удирдлагын тогтолцоотой буюу DAO ( decentralized autonomous organization) юм. DAO гэдэг тухайн төслийн ард хэн нэг тухайлсан этгээд хуулийн этгээд байж бүх зүйлийг удирдаж шийддэг зүйл биш юм. Өөрөөр хэлбэл энэ төсөлд хөрөнгө оруулж хүн бүр энэ төслийн эзэн буюу хувьцаа эзэмшигч гэж ойлгож болно. Уг платформ маань БНХАУ -д үүсч 3-4 жилийн хугацаанд тогтвортой хөгжүүлэлт хийгдээд явж байгаа юм. Энэ TSC -ийн нийт хэрэглэгчийн тоо одоогийн байдлаар 3,150,000 хаяг бүртгэлтэй байна. Хаягийн тоо нь өдөр 10,000 аар нэмэгдэж байна. Энэ бүх тоо баримтыг тухайн блокчэйний скан дээр харж болно. Энэ блокчэйн нь одоогоор ETHEREUM-ийн ERC-20, TRON –ны TRC-20 сүлжээг ашиглаж байна.

Хятадуудын хийж буй тооцооллоор одоо өсч буй хаягийн өсөлтийг томьёолж үзээд энэ өсөлтийн хурдаараа явахад Хятадын цагаан сар болох үед нийт хаягийн тоо 10,000,000 -д хүрнэ гэж байгаа юм байна. Тэгэхээр энэ маань манай дотоодын крипто маркет шиг маш бага эзлэхүүнтэй буюу нэг төсөл дээр 1 мянгаас 5 мянга хүрэхтэй үгүйтэй цөөхөн тооны хэрэглэгчийн тухай ойлголт биш юм. Нөгөө талаас энэ дэлхийн хамгийн их хүн амтай, хүчирхэг эдийн засагтай, хөрөнгө оруулалтын сэтгэл зүй суучихсан тэр хүмүүсийн бий болгоод дотооддоо тэлэлт үүсгэж байгаад дэлхийд гарч ирж байгаа маш том платформын тухай ойлголт юм. Үүнийг дотоодын элдэв луйврын замаар хийсэн бусад төрлийн крипто төслүүд болон элдэв пирамид понзитой харьцуулж харлуулж байгаа нь харамсалтай байна. Энэ төсөл маань Индонез, Итали, Өмнөд Солонгос, Малайз зэрэг улсууд гараад хөгжөөд явж байна. Бид мэдэхгүй зүйлээ ямар ч судалгаагүйгээр мушгин гуйвуулж харлуулж байдаг, аливаа асуудалд өөрийн судалгаа мэдээлэлгүйгээр шууд харлуулж буй нь тоогүй хэрэг юм. Нэгэнт дэлхийн хамгийн их хүн амтай зээл дээр нэгэнт үүсч хөгжөөд маш их хэмжээний хөрөнгө мөнгөний төвлөрөл бий болчихсон тэр тос мөнгөний сан (Pool) -с бидний хэдэн цөөхөн Монголчууд ороод ашиг олж хүртье гэсэн юм.

Энд бид хэзээ ч хэнээс ч нэг цент ч авахгүй. Хөрөнгө оруулж байгаа хүн маань өөрийн хөрөнгийг 1 төгрөг ч бусдад гаргаж өгөлгүйгээр өөрөө удирдана. Түүнээс элдэв прамид, понзи шиг хүн элсүүлж нэгнийхээ мөнгийг өөртөө авч тэрийг ашиг гэж томьёолох зүйл биш юм. Бид зөвхөн ийм сайхан боломж байна. Үүнийг хийх ажиллах аргачлал нь ийм байна. Хэрэв та хөрөнгө оруулах бол юун дээр анхаарах, ямар сэтгэл зүйтэй байх гээд санхүүгийн болон хөрөнгө оруулалтын мөн түүнчлэн крипто маркетын талаар бүхий л мэдээллийг бүтэн хичээл лекц болгож мэргэжлийн хүмүүсээр заалгаж өгч байна. Түүний дараа сонирхсон хүмүүс маань тухайн төсөлд орох үгүйгээ өөрсдөө шийдэж шийдвэрээ гаргаад явж байна. Дахин сануулж хэлэхэд бид хэзээ ч хэний ч мөнгөн хөрөнгийг татан төвлөрүүлж аливаа хөрөнгө босгож байгаа зүйл огт байхгүй гэдгийг хариуцлагатайгаар мэдэгдье. Гагцхүү энэ платформ дээр хэрхэн хурдтай ажиллаж өөрийн хөрөнгийг өсгөж болох бусад боломжуудыг бид нэг бүрчлэн маш сайтар ойлгуулахын төлөө хичээн ажиллаж байна. Энэ төсөлд орсон хүн бүхэн оруулсан хөрөнгөө өсгөх боломжтой. Гадуур сошиал орчинд тараад байгаа шиг элдэв пирамид понзи хууль бус зарчмаар явж байгаа зүйл огт байхгүй. Ер нь бид үнэт цаасны зах зээлд болон бусад төрлийн уламжлалт аливаа бизнесийн үйл ажиллагааг явуулахад шаардлагатай хөрөнгө оруулалтаа хийдэг.

Түүний дараа тухайн хувьцааны үнэ өсөх эсхүл тухайн бизнесийнхээ ашиг орлогыг хурааж тодорхой цаг хугацааны дараа өөрийн зорилго хүссэн ашгийг олж авдаг. Түүнтэй эгээ адил. Өөрөөр хэлбэл та ямар нэг бараа бүтээгдэхүүнийг зах зээл дээр худалдан борлуулахад та худалдан авагчийг хайж олох хэрэгтэй биздээ? Та хурдан бараагаа худалдахыг хүсвэл олон худалдан авагчийг олж илүү хурдтай ажиллах зайлшгүй шаардлагатай болно. Хэрэв та залхуу бол таны олох ашиг орлого танд удаж байж л орно. Яг үүнтэй адил таны оруулсан хөрөнгө баталгаатай өснө та юу ч хийхгүй байсан та оруулсан хөрөнгийнхөө өгөөжийг хүртэх л болно. Энэ бол баталгаатай зүйл. Бас нэг онцгойлж хэлэх зүйл бол танаам зөвхөн нэг удаагийн л хөрөнгө оруулалт шаардах бөгөөд танаас дахин дахин хөрөнгө оруулахыг шаарддаггүй гээд яриад байвал маш олон давуу тал илүү олон бодит боломжийн талаар бид ярьж болно. Бид уг платформ дээрх зөвхөн ганц хэсэг дээрх боломжийн тухай л энд ярилаа. Өөр маш олон олон боломжууд бий. Тиймээс та бүхэн бүхэн элдэв худал хуурмаг мэдээлэлд авталгүй үнэхээр сонирхож байгаа бол бидэн дээр ирээд үнэн зөв бодит мэдээллийг авна уу" гэсэн юм.

ЦЕГ: О.БИЛГҮҮНТЭЙ ХОЛБООТОЙ АСУУДАЛ БҮРТГЭГДЭЭГҮЙ 
Уг асуудлаар ЦЕГ-ын Хэвлэл мэдээллийн төвийн дарга хошууч Г.Мөнхбаяраас тодруулахад "Загвар өмсөгч О.Билгүүнтэй холбоотой асуудал цагдаагийн байгууллагад бүртгэгдээгүй. Түүний хувьд БНХАУ-ын нэгэн компанид хөрөнгө оруулах чиглэлээр  мөнгөн төвлөрөл үүсгэсэн гэх мэдээлэл байна" гэв.
Мөн энэ талаар ЦЕГ-ын мөрдөн байцаах албаны кибер гэмт хэрэг мөрдөн шалгах хэлтсийн ахлах мөрдөгч, цагдаагийн хошууч Б.Энхзаяагаас тодруулахад "Энэ тохиолдолд иргэд хохирч Цагдаагийн байгууллагад гомдол ирүүлээгүй бол гэмт хэрэг гэж үзэн мөрдөн шалгах боломжгүй. Энэ оны аравдугаар сарын байдлаар залилах гэмт хэрэг 10300 бүртгэгдсэн нь өмнөх оны мөн үеэс 97. 3 хувиар өссөн ба нийт бүртгэгдсэн гэмт хэргийн 32,8 хувийг эзэлж байна.
Залилах гэмт хэргийн 88.2 хувь буюу 8056 гэмт хэрэг нь цахим орчныг ашиглан үйлдсэн байна. Уг гэмт хэрэгт өртөж хохирсон иргэдийг судалж үзэхэд цахим орчинд өөрийн хувийн мэдээллээ ил тод байршуулснаар бусдад хувийн мэдээллээ алдаж энэ гэмт хэргийн золиос болж байна.  Цагдаагийн байгууллагаас 2022 оны аравдугаар сарын сарын байдлаар нийт 818.7 тэрбум төгрөгийн хохиролтой, 15.674 хэрэг бүртгэлт, мөрдөн байцаалтын хэрэг шалгагдаж, 5064 хэргийг гэмт хэргийг илрүүлж, 799.3 тэрбум төгрөгийн хохирлыг нөхөн төлүүлсэн байна. Энэ нь өмнөх оны мөн үеэс илрүүлэлт 52.9 хувь болж 2.1 дахин, хохирол нөхөн төлсөн байдал найм дахин өссөн эерэг үзүүлэлттэй байна”гэлээ.
Б.НАРАНГОО 
Энэ мэдээнд өгөх таны сэтгэгдэл?
30
ТэнэглэлТэнэглэл
3
ЗөвЗөв
2
ГайхмаарГайхмаар
1
ХахаХаха
1
ХөөрхөнХөөрхөн
1
БурууБуруу
0
ХарамсалтайХарамсалтай
Баярлалаа!

Холбоотой мэдээ

30 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-12-01 202.179.21.238

Бэлтэс мөрөншдээ тэнэгүүд мөнгөө алдацгаа

Avatar

Зочин 2022-12-01 202.179.21.201

Хүмүүсийн мөнгө хэрэггүй бол дуугүй өөрөө л ашиглаач !

Avatar

Зочин 2022-12-01 64.119.20.190

Хятадын төв банк криптовалютын бүх гүйлгээг хориглолоо гэсэн мэдээ гарч байсан санагдах юм

Avatar

Ebe 2022-12-01 66.181.161.101

haha goyo chaadag ats bn daa haha erguu orkuuddaa tegj chaa daa goshnogoo

Avatar

Зочин 2022-12-01 202.9.40.67

чи бас нөгөө M Plus н луйварчин ЭБЭ юу хахаахаха

Avatar

Zochin 2022-12-01 103.212.119.184

Hytadad iim zuil zuvshuurduggui shu.

Avatar

Зочин 2022-12-01 210.121.172.13

odoo iim reklam hiisnuudiig ni daraa ni bariad shorond hiih heregtei shuu. block chain, decentralized db ene ter ymarch oilgoltoi batsaanuud hudlaa yarij mgl chuudiinhee mongiig govood bhiim. hiyatad ugaasaa horitson. naad olson source code shig umaa avaad morooroo zailsan deer shuu duu min. zondoo humuus mongoo aldsan odoo bolno shd . ard tumnee bodooch.

Avatar

Зочин 2022-12-01 122.201.31.220

Халтар банди

Avatar

ард иргэд 2022-12-01 59.153.115.105

америкууд загвар өмсөгчдөө явдаг өлгүүр гэдэг юм бна лээ үнэн юм шиг бна шүү

Avatar

s*** 2022-12-01 202.9.40.28

Bitgii solior band min

Avatar

зочин 2022-12-01 59.153.115.105

америкууд загвар өмсөгчдөө явдаг өлгүүр гэдэг юм гэнэ лээ ха ха

Avatar

ард иргэд 2022-12-01 59.153.115.105

крипто чинь дампуурцан ш дээ мэдээгүйм уу үнэ нь навс унаад

Avatar

Зочин 2022-12-01 192.82.72.202

загвар өмсөгчөөс хөгширөөд мал сүрэг хариулахаар шийджээ тэ

Avatar

Зочин 2022-12-01 192.82.72.202

хятадад чинь крипто хориотой биздээ мэддэгүүд нь дугараач

Avatar

Зочин 2022-12-01 202.9.40.67

Хориотой

Avatar

Зочин 2022-12-01 202.9.47.31

Хэдэн цаас босгоод Монголоос зайлах санаатай л***р бна шт

Avatar

Зочин 2022-12-01 66.181.187.45

4 ДАХИН ҮРЖДЭГ ГЭНЭ ЖИНХЭНЭ МАЛ ШҮҮ

Avatar

Зочин 2022-12-01 86.48.12.76

Xувцас углахаас өөрийг мэдэхгүй хөлдүү тархитай б**********ч загвар өмсөгч тоо мэдэхгүй хэвтэж санхүү ярилаа юу. Шууд луйвар л байна.

Avatar

Del 2022-12-01 202.55.188.38

хятадуудад Kрипто хориотой шүү дээ

Avatar

Зочин 2022-12-01 202.9.46.18

luivarchin, 461 ruu neg l udur achigdmaar bgaa yum bh daa.

Avatar

Зочин 2022-12-01 125.240.37.40

100 dollar hamgiin ehnii hun hiilee.
2dah hund 100 dollar hiihiig sanal bolgoj uurin oruulsan 100 aa avna. 2dah hun 3dah 4deh hund 100 100 dollar oruulahiig sanal bolgono geh meteer luivar pyramid buyu ponzzi

Avatar

зочин 2022-12-01 66.181.184.155

Энэ бол шууд заллин байна шүү дээ.

Avatar

Зочин 2022-12-01 202.126.89.214

хэт нэг талыг барьсан, бараг мэдээ биш сурталчилгаа байна

Avatar

Зочин 2022-12-01 66.181.168.199

ямар ч аргаар хамаагүй баяжих, тэрэндээ бас загвар өмсөгч нэрээ ашиглах санаатй биз, загварч гэж дээ, болсон болоогүй хувцас өмсөж алхахыг л хэлдэг, ямар ч ач холбогдолгүй, нийгэмд хэрэг болдоггүй, баялаг бүтээдэггүй, за зайлаа

Avatar

Иргэн 2022-12-01 192.82.89.114

хөлдүү бацаан

Avatar

Зочин 2022-12-01 202.70.46.20

ene luivarching horiochee pisdaaaa

Avatar

Зочин 2022-12-01 202.131.225.53

Цэвэр понзи схем ярьчихлаа шд. Энэ төвлөрүүлсэн мөнгө өөр хаашаа ч явахгүй энэ дотор байгаа хүмүүстээ буюу хуучин хүмүүстээ очих юм байна. Эрт орсноороо хожиж, хойно орсноороо хожигдох юм байна.

Avatar

Зочин 2022-12-01 202.21.100.164

Шуналтай, тэнэгүүдийг ашиглаж сайн мөнгө олоорой. Луйварчин Билгүүнээ.

Avatar

Зочин 2022-12-01 202.9.40.188

Баахан Монголчууд хохироод үлдэх байхдаа. Гадныхантай нийлээд өөрсдийгөө хохироодог хүмүүст хариулага оногдуулах хэрэгтэй дээ. Зүгээр мөнгө өгнө гэж огт байхгүй

Avatar

Зочин 2022-12-01 66.181.180.108

Hyatadad crypto ariljaa horiotoi, scam baina

NewsMN Гар утасны хувилбар Татах
NEWS.mn

Мэдээллийн эх сурвалж