Эрчим хүчний ачаалал өчигдөр оргилдоо хүрч, 40 МВт-аар өсчээ | News.MN

Эрчим хүчний ачаалал өчигдөр оргилдоо хүрч, 40 МВт-аар өсчээ

Эрчим хүчний ачаалал өчигдөр оргилдоо хүрч, 40 МВт-аар өсчээ

Улаанбаатар хотын иргэдийн эрчим хүчний хэрэглээ хэт их, эх үүсвэр хангалтгүй байгаагаас шалтгаалж энэ өвөл хөлдөх эрсдэл өндөр байгааг салбарын сайд анхааруулж буй. Тиймээс эрчим хүчний салбарт тулгамдаж буй асуудлын талаар салбарын төлөөллүүдийн байр суурийг хүргэж байна.


Цахилгаан дулааны эрчим хүчний хэрэглээ жилд дунджаар 7-8 хувиар тогтмол өсч байгаа аж. Төвийн бүсийн нэгдсэн сүлжээний цахилгаан эрчим хүчний оргил ачаалал 2021 онд 1387 МВт хүрсэн. Цаашид жил бүр 100МВт орчмоор өсч, 2025 оны түвшинд 1680 МВт хүрэх төлөвтэй байна. Төвийн бүсийн хэмжээнд 2021 оны арванхоёрдугаар сард системийн оргил ачааллын чадлын 12.4 хувийг буюу 172 МВт чадлыг ОХУ-аас худалдан авсан. Монгол Улс эрчим хүчний нийт хэрэглээний 20 хувийг импортоор хангадаг гэдгийг албаныхан онцлов.

Диспетчерийн үндэсний төв ТӨХХК-ийн гүйцэтгэх захирал Г.Балжинням:

-Улсын хэмжээнд өчигдрөөс цочир хүйтэрч, шөнөдөө -40-өөс дээш градус хүрч хүйтэрч байна. Эрчим хүчний салбарын 16 мянган ажилтан 24 цагийн турш ажиллаж байна. Өчигдрийн оргил ачаалал өмнөх оны оргил ачааллаас 40 МВт-аар өссөн. Энэ нөхцөлд эрчим хүчний салбарын дотоодын үйлдвэрлэл болох бүх дулааны цахилгаан станцууд бүрэн хүчин чадлаараа ажиллаж байна. Дээр нь ОХУ-аас 300 МВт хүртэл эрчим хүчийг авч, хэрэглээгээ бүрэн хангаж буй. Ямарваа нэг техник, тоног төхөөрөмжийн саатал гарахад бэлтгэл хүчин чадалгүйгээс цахилгаан, дулааны эрчим хүчийг хязгаарлах нөхцөл байдал үүсэх магадлалтай.

Дэлхийн бусад хөгжингүй орнуудын эрчим хүчний салбар нь 20 хувийн бэлтгэл хүчин чадалтай байдаг. Өөрөөр хэлбэл, аливаа гэнэтийн саатал гарсан үед бэлтгэл хүчин чадлаа ашигладаг. Эрчим хүчний үйлдвэрлэл тулсан энэ үед хэрэглэгчид маань ухаалаг хэмнэлтийг хийх ёстой. Тодруулбал, оройн 19.00-21.00 цагийн хооронд айл өрх, үйлдвэр, аж ахуйн нэгжүүд үйлдвэрлэлийнхээ процесст өөрчлөлт оруулахгүйгээр туслах тоног төхөөрөмжөө зогсоож, шөнийн цагаар үйлдвэрлэлээ явуулдаг байхыг уриалж байна.

Эрчим хүчний хэрэглээ талдаа өнгөрсөн 2019 онд 1156 МВт, 2020 онд 1308 МВт, 2021 онд 1387 МВт болсон. Цар тахлын үед төрөөс ард иргэдийн цахилгаан, дулааны эрчим хүчний тарифыг даасантай холбоотойгоор хэрэглээ огцом өссөн.

Улс орны эдийн засгийн түүчээлэх салбар бол эрчим хүч. Эрчим хүчгүйгээр ажиллаж, амьдрах айл өрх, аж ахуйн нэгж, үйлдвэр гэж байхгүй. Тиймээс энэ салбараа түлхүү анхаарч, хөгжүүлэх шаардлагатай.

"ЦААШИД ӨСӨН НЭМЭГДЭЖ БАЙГАА ХЭРЭГЛЭЭГЭЭ ХЭРХЭН ХАНГАХ ВЭ ГЭДЭГ АСУУДАЛ ТУЛГАМДАЖ БАЙНА"

Эрчим хүчний зохицуулах хорооны дарга Э.Түвшинчулуун:

-Эрчим хүчний салбарт хүндрэлтэй асуудал олон байна. Санхүү эдийн засгийн хувьд алдагдалтай. Үйлдвэрлэж буй бүтээгдэхүүнийхээ өртгөөс доогуур үнээр буюу 224 төгрөгөөр борлуулах ёстой ч 175 төгрөгөөр хэрэглэгчдэд борлуулж байна. Үүний зөрүү 28 хувь. Ийм алдагдалтай үнээр борлуулахаар салбар өөрөө алдагдалд орж байгаа. Эрчим хүчний зохицуулах хорооноос борлуулж байгаа бүтээгдэхүүний үнэ өртөгтөө дөнгөж хүрч, алдагдалгүй байх бодлогыг барьж байна.

Эхний ээлжинд айл өрхийн цахилгаан, дулааны төлбөрийг нэмэхгүйгээр аж ахуйн нэгж байгууллагуудын хэрэглээнээс хамаарч 14-28 хувиар шатлалтай нэмж буй. Хүнд хэцүү цаг үед энэ нэмэлт эрчим хүчний салбарт их тус нэмэр болно гэж харж байна.

Хоёрдугаарт, суурилагдсан хүчин чадлаасаа хэрэглээ маань давж, нэг жилд 6-7 хувийн тогтмол өсөлттэй байна. Энэ өсөн нэмэгдэж байгаа хэрэглээгээ хэрхэн хангах вэ гэдэг хамгийн том асуудал тулгамдаж байна. Эрчим хүчний шинэ эх үүсвэрийг байгуулахад 4-5 жил шаардлагатай. Салбарын сайд эрчим хүчний хэмнэлтийг өөрсдөөсөө эхэлнэ гэсэн. Хэмнэж болох урсгал зардлаа хэмнэнэ. Нөгөө талдаа хэрэглэгчид маань эрчим хүчээ хэмнэвэл үр шимийг нь шууд хүртэж байна.

"ИРГЭД 19.00-21.00 ЦАГИЙН ХООРОНД ХӨРГӨГЧНИЙХӨӨ ХЭРЭГЛЭЭГ САЛГАВАЛ 100 МВТ ЧАДЛЫН НӨӨЦ БИЙ БОЛГОНО"

Эрчим хүч хэмнэлтийн албаны дарга Ц.Атаржаргал:

-Ард иргэдийн хувьд тодорхой хэмжээнд эрчим хүчээ хэмнэж байгаа. Нийт 605 мянга гаруй өрхийн хэрэглэгчид 19.00-21.00 цагийн хооронд хөргөгчнийхөө хэрэглээг салгаж чадвал эрчим хүчний системийн хэмжээнд 100 хүртэл МВт хүчин чадлын нөөц бий болгоно.

Энэ нь суурилагдсан хүчин чадлын 50 хувь гэсэн үг. Мөн айл өрхийн цахилгаан зуухны хэрэглээ өндөр байна. Тиймээс өрхийн хэрэглээнд мэдээлэл хүргэж, хэмнэлтийн суртал ухуулгыг хийх шаардлагатай байна. Эрчим хүчний ахуйн хэрэглээнд өртгөөсөө доогуур тариф, хангалттай хөнгөлөлтийг эдэлж буй.

Гэрэл зургийг Б.Эрдэнэбилгүүн

Энэ мэдээнд өгөх таны сэтгэгдэл?
8
ХарамсалтайХарамсалтай
5
ТэнэглэлТэнэглэл
2
ХахаХаха
1
БурууБуруу
0
ЗөвЗөв
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

22 сэтгэгдэл

News.mn сайтад сэтгэгдэл оруулахад анхаарах зүйлс

Avatar

СУДЛААЧ ИРГЭН 2022-11-29 202.9.46.78

арчаагүй тэнэг коммунистууд дандаа хогийн юм хийж байх юм ,,,айл өрхүүдийн цахилгааны тарифийг 50 нэмчих байсан юм орон сууцныхан бол тоохчгүй гэр хороололынхон бол шөнөдөө үнэгүй тог хэрэглэжчиж байна шонодоо дулаан хадгалдаг төхөөрөмжөө цэнэглээд авбал бүүрч их ашигтай тусна

Avatar

Зочин 2022-11-29 202.9.46.10

Цахилгаан станцууд,Дамжуулах,Түгээх сүлжээ гээд монополь газрууд хэт үрэлгэн хэрэглээтэй авилгажсан газруудад төрийн аудит оруулж АТГ шалгалт явуулах болсон шүү

Avatar

Иргэн 2022-11-29 202.21.107.75

Эрчим хүч рүүгээ бүх анхаарлаа тавихгүй бол сүйрэл ойрхон бна шүү

Avatar

Зочин 2022-11-29 202.126.89.29

Эх орончдод хэлэхэд одоо 300 мвт цахилгаан оросоос авч байна гэдэг нь 3-р цахилгаан станцын гаргах хэмжээний тогийг л оросоос өндөр үнээр аваад, эх орноо хайрлаад цахилгаан станцын төслүүдээ гацаачихаад сууж байгаа юм ш дээ. русь Ах нар биднийгээ мөн ч их хайрладаг бололтой.

Avatar

Зочин 2022-11-29 203.91.115.55

Төххк-н гүйцэтгэх захирал Балжинням гэж зангиатай хоньчины яриа " Өчигдөр гэхэд -40 градусаас дээш хүйтэрсэн". Ццц. Энэ одоо бас инженер ухаантай л амитан байхдаа зайлуул. -40 градусаас доош орж хүйтэрсэн. -41, -42°С ба түүнээс доош заалтыг -40 градусаас доош орж хүйтэрсэн буюу хамгийн хүйтэн цэг, хамгийн бага температур бүртгэгдлээ гэж ярина, үхэрнүүд ээ!

Avatar

ИРГЭН 2022-11-29 192.82.82.204

ӨДИЙ БОЛТОЛ ЭРЧИМ ХҮЧНИЙ ЭР ҮҮСВЭР БАРЬЖ ЧАДААГҮЙН ХЭНИЙ БУРУУ ХАРИУЦЛАГАГҮЙ ЗҮЙЛ ВЭ? АРЧААГҮЙ САЙД ДАРГА НАР ВЭ?

Avatar

Зочин 2022-11-29 192.82.88.205

Багануурын ТЭЦ, Шивээ-Овоогийн ТЭЦ, Таван Толгойн ТЭЦ зэрэг станциуд яагаад баригдахгүй олон жил болж байгааг тайбарлаач.

Avatar

Зочин 2022-11-29 202.70.44.46

Хувийн хэвшил ашиггүй учраас барихгүй. Төр мөнгө гаргахгүй

Avatar

Хэмнэлтийг үүсгэх хувьсгал 2022-11-29 66.181.177.248

Цахилгааны үнээ нэмж иргэдийн хэмнэлтийн сэтгэхүйг бий болго. Орон сууцны айл өрхөд дулааны тоолуурыг суурилуулан төр дутуу халаалтаас илүү мөнгө авдагаа зогсоох нар салхины дэмжих тарифыг иргэдээс авдаг луйвараа зогсоо.Дулааны тоолуур бол ЭХҮ хариуцлагатай болгож ард иргэдийг хэмнэлтийн хувьсгалд дуудна

Avatar

Зочин 2022-11-29 64.119.27.125

Тавантолгойн цахилгаан станц дээр 3 дахь тендер зарлана гэхийн тэнэг Чойжилсүрэн. 2 удаа зарлаад Моннисын Чулуунбаатар жижиг компани оруулаад хүчингүй болсон. Одоо дахиад ямарч компани орохгүй гэдгийг ойлгомоор юм. Чадахгүй бол зайлаачээ

Avatar

Зочин 2022-11-29 202.126.90.125

🔎 Жил БҮР ШИНЭЭР БАРИЛГА БАЙШИН ХОЛБОСООР ХЭДЭН ТЭЦ НЬ ЧАДАРЛААА…☝
ОДОО АРД ИРГЭД ӨӨРСДӨӨ УХАМСАРААРАА 18-22 ЦАГУУДАД ЧАДАХ ЯДАХАРАА ЭРЧИМ ХҮЧЭЭ ХЭМНЭЖ ТУС БОЛОСОЙ, ТЕНЬ-ЭЭ УНТРАДАГ Ч ЮМУУ ☝

Avatar

зочин 2022-11-29 202.21.100.210

Эрчим хүчний салбарын ажилчид 24 цагаар ажиллаж байна гэж бүү худал бичилдээ Ээлжийн ажилчид л тасралтгүй 24 цагаар ажилладаг шүү Дарга нар бол 8 цаг ч ажилладаггүй шүү

Avatar

Зочин 2022-11-29 202.126.90.125

САЛБАР БҮРТ АЖЛЫН ОНЦЛОГООС ХАМААРААД 24 ЦАГ АЖИЛЛАХ ЮМ БДАГ ШДЭЭ, ҮНДСЭН ҮҮРЭГ НЬ ЮМ ЧИНЬ ЯАХЫН

Avatar

Зочин 2022-11-29 202.131.225.197

Популистуудын гай шүү дээ. Эрчим хүчний сайдаар очсон 10 хувийн Ц.Даваасүрэн гэдэг хүн сайд болоод хийсэн эхний ажил нь Багануурын цахилгаан станцыг гацаасан. Хэтэрхий их чадалтай, том станц байна гэж хуцаад зогссосон доо. 5 дугаар цахилгаан станцыг барих газар олдоогүй. Эгийн голын цахилгаан станцыг Оросууд бариулахгүй гэсэн. Оюутолгойн барих Тавантолгойн цахилгаан станцыг бид нар өөрсдөө барина, та нар хол байж бай гээд нохойн замаар оруулсан.

Avatar

Зочин 2022-11-29 202.21.97.30

Ene henii buruu umbe Zasag heden jil barichihaad ingej gonginoj bolj bgaa umuu

Avatar

Зочин 2022-11-29 43.242.243.3

Цахилгаанаа өөрсдөө үйлдвэрлээд ирэхээр жижиг дунд үйлдвэр чинь хөгжөөд улс орон чинь хөгждөг юм биш үү. Ард түмэн чинь ажилтай байх юм биш үү?

Avatar

Зочин 2022-11-29 43.242.243.3

Салхиар нарны гэрлээр нүүрсээрээ ч болтугай станцуудаа нэмэх ёстой шүү дээ. Яагаад Оросоос хараат байгаад байгаа юм?

Avatar

Зочин 2022-11-29 43.242.243.3

Улс орны хөгжлийн суурь Дэд бүтэц гэдгийг мэдэж байгаа шүү дээ. Яагаад 30 жил юу ч хийхгүй байгаа юм, станцаа нэмж бариач,

Avatar

Зочин 2022-11-29 43.242.243.3

Хэрэглээ өсөх нь хэнд ч ойлгомжтойшд яагаад дорвитой дэд бүтэцдээ хөрөнгө оруулалт хийж шинээр олон станц байгуулахгүй бгаан 30 жил ярилаашд

Avatar

зочин 2022-11-29 122.201.21.152

ШӨНӨ ОРОС РУУ ЭРЧИМ ХҮЧЭЭ ҮНЭГҮЙ ӨГДӨГӨӨ БОЛЬ. ШӨНӨ ҮНЭГҮЙ БОЛГО. ЗӨВХӨН ХӨРГӨГЧНИЙ ХЭРЭГЛЭЭ СУУРИЛАГДСАН БАС 100 МК ГЭДЭГ ЧИНЬ ЁСТОЙ ХУДЛАА. ӨӨР ҮРГҮЙ ЗАРДАЛЫН ТУХАЙ ЯРЬ ТЭНЭГҮҮД ЭЭ.

Avatar

Зочин 2022-11-29 64.119.25.65

Орос руу шөнө үнэгүй өгөөд байдаг цахилгаан гэж байхгүй болсон шүү ялангуяа өвөл

Avatar

Зочин 2022-11-29 192.82.91.168

иргэдрүү уйлаад яахавээ. Өөрсдөө хичээ

NewsMN Гар утасны хувилбар Татах
NEWS.mn

Мэдээллийн эх сурвалж