Жилийн дөрвөн улиралд дасан зохицож, амьдарч ирсэн монголчуудыг нийслэл хариуцсан сайд Ж.Сүхбаатар, хот хариуцсан Засаг дарга Д.Сумъяабазар нар алмайруулж, Улаанбаатар хотын бүх шатны цэцэрлэг, сургуулиудыг цахимаар хичээллүүлэх шийдвэр гаргасан ч шөнөдөө бага зэрэг шуурсныг эс тооцвол өнөөдөр /2022.11.28/ цас ч хялмаалсангүй.

Иргэд “Хот хариуцсан сайд, дарга нарын яриад байсан 36 цаг орох цас хаачив” гэцгээн хошигнож байна.

Хэдийгээр хотын даргын захирамж хоосон сүржигнэл болоод өнгөрч байгаа ч нийслэлчүүд нэг өдөр ажилдаа түгжрэлгүй ирж, сургууль, цэцэрлэгийн багачууд хар үүрээр босч, зутарсангүй гэрээсээ хичээллэв.

Гэхдээ цаашдаа цас орох тоолонгоор захирамж гарган, дээрх арга хэмжээг авбал ажлаа л алдацгаах нь ээ.

Г.ХОРОЛ