Дэлхийн хамгийн урт хугацаанд төрийн эрх барьсан Ерөнхийлөгч Экваторын Гвинейд дахин сонгуульд ялалт байгуулж, авторитар дэглэмээ үргэлжлүүлэхээр боллоо. 80 настай Теодоро Обианг Нгуэма Мбасого сонгуульд бараг 95 хувийн санал авсан гэж албаныхан санал хураалтаас зургаа хоногийн дараа мэдэгдэв.

Сөрөг хүчний зарим нэр дэвшигчид байр сууриа илэрхийлсэн ч хэн нь ч ялалт байгуулна гэж таамаглаагүй.

Ерөнхийлөгч Обианг газрын тосоор баялаг төв Африкийн улсын төрийг атгаж, гэр бүлийн гишүүд нь засгийн газрын гол үүргийг гүйцэтгэдэг. Тэрбээр 1979 онд цэргийн эрх мэдлийг гартаа авсны дараа засгийн эрхийг булаан авсан бөгөөд хэд хэдэн удаа төрийн эргэлт хийх оролдлогыг зогсоож чадсан юм.

Өмнөх дарга, авга ах Франсиско Макиас Нгуемаас албан тушаал авсны дараа тэрээр зарим шинэчлэл хийсэн боловч Нгуэма үндэстний үнэмлэхүй хяналтаа хадгалж үлджээ.

Бүх өргөн нэвтрүүлгийн хэвлэл мэдээллийн хэрэгсэл нь засгийн газрын мэдэлд, эсвэл холбоотнуудынх нь хяналтад байдаг.  Чөлөөт хэвлэл байхгүйгээс улс төрийн сөрөг хүчнийг бараг тэвчдэггүй бөгөөд ихээхэн саад болдог. Өмнө нь хүний ​​эрхийг зөрчсөн, сонгуулийг будлиантуулсан гэх хэргүүдэд буруутгагдсан Ерөнхийлөгч Обианг зургаа дахь бүрэн эрхийн хугацаагаа олон улсын нэр хүндээ цэвэрлэхийн тулд ашиглах бодолтой байгаа гэж үзэж байна. Тухайлбал, өнгөрсөн есдүгээр сард засгийн газар цаазаар авах ялыг халсаныг нь НҮБ сайшаасан.

1968 онд Испаниас тусгаар тогтнолоо олж, Франциско Макиас Нгуема ерөнхийлөгчөөр томилогдож,  Экваторын Гвиней Бүгд Найрамдах Улс болсон.

Хүний эрхийн бүлгүүд тус улсын хоёр ерөнхийлөгч болох Франциско Макиас Нгуема, Теодоро Обианг Нгуэма нарыг Африкт хамгийн бүдүүлэг, харгисаар хүний эрхийг зөрчигчид гэж нэрлэжээ. Испани, франц, португали хэлээр харилцдаг. 1996 онд газрын тосны асар их нөөц илрүүлсэн боловч 1.4 сая хүн амын ихэнх нь үүнээс ашиг хүртээгүй, ядуурал газар авсаар байна.

ЭХ СУРВАЛЖ: BBC