БНХАУ-ын дарга Ши Жиньпин Хойд Солонгосын удирдагч Ким Жон Унд захидал илгээжээ. Тэр энэ захидалдаа “Хятад улс бүс нутаг, дэлхийн энх тайван, тогтвортой байдал, хөгжил цэцэглэлтийн төлөө Хойд Солонгостой хамтран ажиллахад бэлэн байна” гэж онцлон тэмдэглэснийг “KCNA” агентлаг өнөөдөр мэдээллээ. Харин Өмнөд Солонгос, АНУ-ын хамтарсан цэргийн сургуулилалтын дараа Умардын тал пуужин харваж, Солонгосын хойгт нөхцөл байдал хурцадсан талаар “KCNA” огт дурдаагүй байна.

Хятадын Коммунист намын ХХ их хурлын өмнөхөн Ши Жиньпин БНАСАУ-ын удирдагчид захидал илгээж байв. Тус захидалд “Бээжин, Пёньяны харилцаа холбоо, эв нэгдэл, хамтын ажиллагааг бэхжүүлэх нь урьд өмнөхөөсөө илүү чухал. Хоёр улсын харилцааг бэхжүүлж, тэдний ард түмэнд илүү их аз жаргалыг бэлэглэж, бүс нутаг болон дэлхийн энх тайван, тогтвортой байдлыг хамгаалахад асар их хувь нэмэр оруулахад бэлэн байна" гэж бичсэн байжээ.

Эх сурвалж: REUTERS, NBC