"Шинжлэх ухаанд үзүүлж буй асар том үнэлгээ, их итгэл" | News.MN

"Шинжлэх ухаанд үзүүлж буй асар том үнэлгээ, их итгэл"

"Шинжлэх ухаанд үзүүлж буй асар том үнэлгээ, их итгэл"

Тулгар төрийн 2231 жил, Их Монгол Улс байгуулагдсаны 816 жил, Эрх чөлөө, тусгаар тогтнолоо сэргээн мандуулсны 111 жил, Ардын хувьсгалын 101 жил, Их Эзэн Чингис хааны мэндэлсний түүхт 860 жилийн ой, “Монгол бахархлын өдөр”-ийг тохиолдуулан академич Д.Доржготовт Монгол Улсын төрийн тэргүүн дээд шагнал "Чингис хаан" одон хүртээлээ.

Тэрбээр сэтгэгдлээ хуваалцаж хэлсэн үгэндээ “Монгол бахархлын өдөр олгодог Чингис хаан одонг шинжлэх ухааны салбарын олон зуун хүмүүсийн төлөөлөл болгон надад олгосонд баяртай байна. Шинжлэх ухаанд үзүүлж буй асар том үнэлгээ, их том итгэл хэмээн үзэж байна.

Би 1962 онд Москвагийн их сургуулийг төгсөж ирснээс хойш 60 жил судалгаа явуулж байна. Монголын сайхан эрдэмтэд, гадаадын эрдэмтэдтэй хамтран Монгол орныхоо бараг бүх нутгаар явж судалгаа хийсэн. Нийт 330 сумаас 250 орчим суманд очсон. Хөрс байхгүй бол хуурай газрын амьдрал байхгүй. Тиймээс үүнийг судалж, хайрлаж, хэлхэж явах хэрэгтэй юм.

Хоёр хоногийн өмнө надад хэлсэн. Тэгээд би юу хийсэн болоод намайг шагнах гэж байгаа билээ хэмээн номуудаа харлаа. 300 гаруй ном бичсэн байна. Би олон сайхан шавьтай. Дөчөөд жил багшиллаа. Шавь нар маань миний бахархал юм. Монгол орон асар том орон. Бид бүрэн судалж дуусаагүй л явна. Энэ бол 20, 30 хүний хийчих асуудал биш. Бид бичил ертөнцөд амьдарч байгаа жижигхээн хэсэг. Тиймээс судлах зүйл их байна" гэв.

ШИНЖЛЭХ УХААНЫ ГАВЬЯАТ ЗҮТГЭЛТЭН, ДОКТОР, ПРОФЕССОР, АКАДЕМИЧ Д.ДОРЖГОТОВЫН БҮТЭЭЛИЙН ТОВЧООН

Д.Доржготов нь 1962 онд М.В.Ломоносовын нэрэмжит Москвагийн Улсын их сургуулийг хөрс судлаач-агрохимич мэргэжлээр төгссөн. ШУА-ийн Газарзүйн хүрээлэнд өнөөдрийг хүртэл эрдэм шинжилгээний ажилтан, ахлах ажилтан, хөрс-геохимийн тасгийн эрхлэгч, захирал, эрдэм шинжилгээний тэргүүлэх ажилтнаар тасралтгүй 60 гаруй жил ажиллаж байна.

Тэрбээр Монгол орны хөрс, газарзүй, байгаль орчин, экологийн чиглэлээр 30 гаруй судалгааны төсөл удирдан гүйцэтгэж, манай орны ихэнх нутгийг хамарсан олон улсын 40 гаруй хээрийн экспедиц зохион байгуулсан. 300 гаруй ном монограф, газрын зураг, эрдэм шинжилгээний өгүүлэл, бусад бүтээл туурвиснаас 110 гаруй нь орос, англи, герман, хятад хэлээр нийтлэгдсэн.

Ажил, бүтээл:

  • “Монгол орны экосистемийн зураг” (1995), “Байгал нуурын сав газрын экологийн атлас” (2015), “Сэлэнгэ-Байгалийн экологи-газарзүйн атлас- ном” (2018), “Монгол орны экосистемийн атлас” (2019), “Байгал нуурын бүс нутгийн атлас” (2021), “Монгол Улсын үндэсний атлас” (1990, 2009, 2022) зэрэг монгол, орос, англи хэлээр хэвлэгдсэн томоохон хамтын бүтээлийн зохиогч, редактор, ерөнхий редактораар ажилласан.
  • “Монголын нэвтэрхий толь” (2000), “Монголын цагаан ном” (2002), “Монгол Улсын нэвтэрхий толь” (2009), “Монголын байгаль орчны нэвтэрхий толь” (2013), “Монголчуудын түүх, соёлын атлас” (2004), БНХАУ-д хэвлэгдсэн “Монгол судлалын нэвтэрхий толь. Газарзүйн боть” (2012) зэрэг олон боть, томоохон бүтээлийн редактор, хамтран зохиогчоор ажилласан.
  • Эрдэм судлалын ажлын зэрэгцээ МУИС-д багш, тэнхимийн эрхлэгч, зөвлөх багшаар 40 гаруй жил хавсран ажиллахдаа газар зүй, хөрс судлал, газрын менежмент, орчин судлалын мэргэжлээр бакалавр, магистрын түвшний олон зуун боловсон хүчин бэлтгэсэн.
  • 1975 оноос одоо хүртэл газарзүйн шинжлэх ухааны докторын (Ph.D) зэрэг хамгаалуулах зөвлөлийн дарга, гишүүнээр томилогдон 110 гаруй хүний эрдмийн зэрэг хамгаалах хуралдаанд биечлэн оролцож, 20 доктор (Ph.D), Шинжлэх ухааны дөрвөн докторын (Sc.D) эрдмийн ажлыг удирдсан.

 Эрдмийн зэрэг, цол, хэргэм:

  • 1973 онд ЗХУ-ын ШУА-ийн Газар зүйн хүрээлэнд дэд эрдэмтэн (Ph.D), 1992 онд М.В.Ломоносовын нэрэмжит Москвагийн Улсын их сургуульд Биологийн шинжлэх ухааны доктор (Sc.D)-ын зэрэг хамгаалсан.
  • 1998 онд ШУА-ийн академичаар сонгогдож, 2002 онд профессор, 2005 онд Монгол Улсын Ерөнхийлөгчийн зарлигаар “Академич” хэргэм, 2010 онд ХААШУА-ийн гишүүн цол хүртсэн юм.

Энэ мэдээнд өгөх таны сэтгэгдэл?
6
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-11-24 202.9.46.105

Зургаа дахь мэдэрхүйтэй зураач, монголчуудын Өүлэн ээж Өнөр хэн билээ уйлаад л байсан. Түүнд өгчихгүй. Бас монголчуудаас Чингис хаантай хамгийн сүүлд уулзаж, их хатан нь болсон даян дээрхийн удган Юмжирдуламд өгчихгүй…

Avatar

Зочин 2022-11-24 192.82.88.141

Энэ хүн 60 жилийн нөр их хөдөлмөрөө ингэж үнэлүүлэх нь зөвөө. Үнэхээр л өгөхөөс аргагүй маш чухал бүтээлүүд байна лээ. Өөрөө ч олон жилийн хамтын бүтээл гэдгээ маш оновчтой тодорхой хэлж байсан. Харин өмнө нь энэ шагналыг авсан ихэнх хүмүүст энэ зэргийн гавьяа байгаа билүү?

Avatar

Хотын уугуул иргэн 2022-11-24 192.82.70.186

Ийм өндөр настай хүн бараг саяхан хэвлэгдсэн тэр том атлас номыг ганцаараа хийсэн юм уу. Эсвэл хамтын бүтээл юм уу. Эсвэл мань хүний зөвхөн нэр нь орсон юм уу. Миний мэдэх л лав 40-50 хүнтэй баг ажиллаж байж нэг газрын зургийн атлас гаргадаг. Тийм бол хамт олонд нь эсвэл тэр хүрээлэнд өгсөн бол илүү оновчтой байсан байхдаа.

Avatar

Зочин 2022-11-24 192.82.82.89

Газарын үурагаас гадна, ганц сэдэвт зохиол бас байж л таарна даа. Түүнийг нь нэрлээгүй бололтой.

Avatar

бүгд 2 цагийн өмнө 66.181.182.38

Бие даасан бүтээлийг нь тод болгох нь зөвөө. Баатар, гавъяат, одон мэтийг хамт олны хөдөлмөрийн үр шимийг өөрийн нэр дээр нааж хиймэл баатар, гавъяат их төрөх боллоо. Тухайлбал эрдэнэтийн захирал гэхэд ганцаараа биш тэр үйлдвэрийн хамт олны хөдөлмөрийн л үр дүн шүүдээ. Цаашид энэ алдар цолны найр гэдэг юмыг больж Нямдаваа гуай шиг хөдөлмөрийн баатар, гавъяат болсон ажлын үр дүнг монгол түмэнд толилуулж заншия. Юу хийж гавъяат болсон нь тод бус гавъяагүй гавъяатууд монголоор дүүрэн.

Avatar

Зочин 2 цагийн өмнө 66.181.182.38

хотын уугуул иргэний энэ комментод хариу өгөх нь зүйтэй. ер нь хүний бүтээл хөдөлмөрийг өөрийн нэр дээр наалдан пад болгож алдар цол авагчид олширчээ. Гавъяат, баатар болж буй хүмүүс цолны найр гэхээсээ илүүтэй П. Нямдаваа гуайн жишгээр тайлангаа олон нийтийн хэрэгслээр олон түмэнд ил тод тайлагнасан нэвтрүүлэг хийж таниулж байдаг болъёо. тэр нь ард олонд уг цол хүэлээн зөвшөөрөгдсөн эсэх шалгуур болой. Норовсамбуугийн Удаанжаргал мэт хулгайч Шившгийн юмнууд баатар , гавъяат нэр зүүж байгаа шүү.

Avatar

зочин 2022-11-24 103.212.116.254

Доржготов гэж мэдэхгүй л юм байнө.

Avatar

Зочин 2022-11-24 66.181.160.97

чи ганцаараа хийсэн юмуу хөгшин төгцөгөө үүхэж далд ор хужаагын эрлиизэ п**а

Avatar

Зочин 2022-11-24 202.9.46.86

Ямар аймар юм бэ? Бүр ийм дээрээ тулчихсан юм уу?

Avatar

Зочин 2022-11-24 202.126.90.147

Яг өнөөдрийн монгол хүн ийм л атаархуу болчоод байгаам даа !

Avatar

зочин 2022-11-24 103.140.11.176

Шагнал эзнээ олжээ. Мэдрэл муутай, хүн муулж бахаа хангадаг ганц хоёрхон хүн засагдана биз ээ.

NewsMN Гар утасны хувилбар Татах
NEWS.mn

Мэдээллийн эх сурвалж