“iPhone”-ийн үйлдвэрт дахин үймээн дэгдэв | News.MN

“iPhone”-ийн үйлдвэрт дахин үймээн дэгдэв

“iPhone”-ийн үйлдвэрт дахин үймээн дэгдэв

“iPhone”-ийн үйлдвэрт дахин үймээн дэгдэв

Хятадын Жэнжоу хотод байрлах “iPhone”-ийн үйлдвэрт Covid-19-ийн халдвар дэгдсэнээр ажилчид нь зугтсан. Дараа нь ажилчдаа эргүүлж авчрахын тулд компанийн зүгээс бонус амалсан талаар бид өмнө нь мэдээлсэн. Тус үйлдвэрт дахин үймээн дэгдэж, эсэргүүцлийн жагсаал үргэлжилж байна. Хэдэн зуун ажилчин жагсаж, цагдаа нар болон Covid-19-ийн хяналтын ажилтнуудтай тэмцэлдэв. Ажилчдыг цагдаа нар зодсон гэж гэрчүүд мэдээлжээ. “Foxconn” компани хүчирхийллээс урьдчилан сэргийлэхийн тулд орон нутгийн засаг захиргаатай хамтран ажиллана гэв.

Зарим ажилчин цалингийн талаар гомдол гаргасан бөгөөд компанийн зүгээс гэрээнд үндэслэн цалингаа өгнө гэжээ. Мөн Covid-19-өөр халдварласан ажилтнуудтай эрүүл хүмүүсээ хольж байрлуулсан гэх мэдээллийг няцаав. Шинэ хүмүүс орохоос өмнө албаны хүмүүс ажилчдын байрыг халдваргүйжүүлж, шалгажээ.

Цахим сүлжээнд тарсан бичлэгээс харахад ажилтнууд “Бидний эрхийг хамгаал” гэж хашгирч буй юм. Зарим ажилчин хяналтын камер, цонх зэргийг модоор цохиж эвдэж байв. Нэгэн ажилтан шууд дамжуулалтын үеэр "Тэд амалсан цалингаа өгөхгүй, гэрээгээ өөрчилсөн. Биднийг хорьж цагдаж байгаа атлаа хоол хүнс өгдөггүй. Хэрэв бидний хэрэгцээг хангахгүй бол бид тэмцсээр байх болно” гэж хэлжээ.

Эх сурвалж: BBC

Энэ мэдээнд өгөх таны сэтгэгдэл?
11
ХарамсалтайХарамсалтай
1
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-11-24 138.199.21.207

олон хоног хориод хүмүүсийн сэтгэл санаа хэцүүдэж байгаа биз дээ хөөрхий

NewsMN Гар утасны хувилбар Татах
NEWS.mn

Мэдээллийн эх сурвалж