Цэргийн дүрэмт хувцас борлуулах, үйлдвэрлэх эрхгүй хувь хүн, байгууллагуудыг шалгав | News.MN

Цэргийн дүрэмт хувцас борлуулах, үйлдвэрлэх эрхгүй хувь хүн, байгууллагуудыг шалгав

Цэргийн дүрэмт хувцас борлуулах, үйлдвэрлэх эрхгүй хувь хүн, байгууллагуудыг шалгав

Цэргийн дүрэмт хувцас борлуулах, үйлдвэрлэх эрхгүй хувь хүн, байгууллагуудыг шалгав

Батлан хамгаалахын сайдын тушаалаар Батлан хамгаалахын Ерөнхий хянан шалгагч бригадын генерал Ж.Болдбаатараар ахлуулсан ажлын хэсэг буюу Батлан хамгаалах яам, Зэвсэгт хүчний Жанжин штаб, Цагдаагийн ерөнхий газар, нийслэл, дүүргийн Цэргийн штабаас томилогдсон бүрэлдэхүүн 11 дүгээр сарын 22-ны өдрөөс 12 дугаар сарын 2-ны өдрүүдэд хяналт, шалгалт явуулж байна.

Тус ажлын хэсгийнхэн харуул хамгаалалтын үйл ажиллагаа явуулдаг компаниуд, цэргийн дүрэмт хувцас худалдан борлуулж буй дэлгүүр, лангуу, хувь хүмүүс, зөвшөөрөлгүй оёдлын цех, үйлдвэрүүдэд хуулийн дагуу шаардлага тавьж, илэрсэн зөрчил дутагдлыг арилган ажиллаж байгаа юм.

Цэргийн алба хаагчийн эрх зүйн байдлын тухай хуулийн 5 дугаар зүйлийн 5.1.3 дахь заалт, ЗХЖШ-ын даргын 2021 оны тушаалаар батлагдсан "Цэргийн дүрэмт хувцас өмсөх дүрэм"-ийн 1 дүгээр зүйлийн 1.2 дахь хэсэгт “Монгол Улсын төрийн цэргийн байгууллагуудад алба хааж байгаа офицер, ахлагч, сонсогч, цэргийн гэрээт болон хугацаат цэргийн алба хаагчид Ерөнхийлөгчийн зарлигаар батлагдсан загварын цэргийн дүрэмт хувцас өмсөж, цол, ялгах тэмдгийг хэрэглэнэ” гэж заасан байдаг. Мөн Цэргийн албаны тухай хуулийн 27 дугаар зүйлийн 27.4 дэх хэсэг болон Цэргийн дүрэмт хувцас өмсөх дүрмийн 7 дугаар зүйлийн 7.1 дэх хэсэгт “Цэргийн цолны нэр, тэмдэг, түүний загварыг төрийн цэргийн байгууллагаас бусад төрийн болон төрийн бус байгууллага, албан тушаалтан өмсөж, хэрэглэхийг хориглоно” гэж заасан.

Хэрэв хэрэглэсэн тохиолдолд ажлын хэсгийн бүрэлдэхүүн Зөрчлийн тухай хуулийн 15 дугаар зүйлийн 21.3 дахь хэсэгт “Төрийн алба хаагчийн дүрэмт хувцас, цол, таних тэмдгийг хэрэглэх эрхгүй этгээд хэрэглэсэн бол дүрэмт хувцас, цол, таних тэмдгийг хурааж, хүнийг 500 нэгжтэй тэнцэх хэмжээгээр торгоно” гэж заасны дагуу арга хэмжээ авч ажиллаж байгааг анхааруулъя.

Цаашдаа Цэргийн цагдаагийн нэгжүүдээс Цагдаагийн байгууллагатай хамтран хяналт шалгалтын ажлыг тогтмолжуулах болно.

Иймд цэргийн дүрэмт хувцас, цол, ялгах тэмдгийг хууль зөрчиж, дур мэдэн хэрэглэж, борлуулж, үйлдвэрлэж байгаа аж ахуйн нэгж, хувь хүмүүс анхаарч, ийм төрлийн зөрчил дутагдал гаргахгүй байх талд анхаарахыг сануулж байна.

Эх сурвалж: БАТЛАН ХАМГААЛАХ ЯАМ, ЗЭВСЭГТ ХҮЧНИЙ ЖАНЖИН ШТАБ

Энэ мэдээнд өгөх таны сэтгэгдэл?
4
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-11-23 66.181.160.19

дээр нь цэргийн бүхий дүрэмт хувцасыг бусад сургууль байгууллагууд яагаад хэрэглээд байнаа ЖНЬ: их засаг гэдэг сургууль байна цэргийн сонсогчын дүрэмт хувцас өмсчихсөн хэрэглэж байх юм энэ сургууль чинь энгийн сургууль биздээ гэх мэтчилэн хөл толгойгоо олохгүй эргүүтэж байна цаана чинь

Avatar

Зочин 2022-11-23 66.181.160.19

энэ хамгаалалтын албаны хувцасыг солих хэрэгтэй цэргийн дүрэмт хувцастай адилхан баахан эрээн юмнууд байдаг болж

Avatar

Зочин 2022-11-23 188.162.254.121

Дээдэх нь суудалаа олохгуй бол доодох нь гуйдэлээ олохгуй гэж УИХ гэж хулгайч худалчаар дуурсэн байгууллагыг тараая!

Avatar

Зочин 2022-11-23 66.181.190.162

Орос америк цэргийн хувцасны өнгөтэй ижил байвал яах юм? Хийх юмгүй төрийхөн солиорох юм.

Avatar

Зочин 2022-11-23 192.82.91.49

эрээнд байгаа дэлгүүрийг хааж чадахгүй байж

Avatar

hol horio togtoo 2022-11-23 192.82.76.156

ereen huvtsasiig ni shuud huraaj naad gazriig ni ard tumnii omch bolgo

Avatar

Зочин 2022-11-23 202.126.93.90

Manai mongol chini tsergiin deglemrei HUNT boloo yu?!!!!!!!!!!!!!!!!!

NewsMN Гар утасны хувилбар Татах
NEWS.mn

Мэдээллийн эх сурвалж