Нэрээ нууцалсан эх сурвалжийн мэдээлснээр ОХУ, Украины хооронд яриа хэлэлцээг зуучлагч орнуудын зүгээс санал болгосон энхийн гэрээнээс Москва татгалзжээ. Тус энхийн гэрээнд Украины эзлэгдсэн газар нутгаас ОХУ нь цэргээ татаж, Крым хойгийг Москвагийн мэдэлд долоон жил "царцаах" бөгөөд энэ хугацаанд Киев нь "NATO "-д элсэхгүй байхаар тусгасан байжээ.

Энхийн саналыг өнгөрсөн долоо хоногт болсон "Их-20" орны чуулга уулзалтын үеэр ОХУ-ын төлөөлөгчид тавьсан аж. Гэвч чуулганы дундуур ОХУ-ын талаас Украины эрчим хүчний дэд бүтцүүдэд агаараас цохилт өгснөөр Москва гэрээг хүлээн зөвшөөрөхгүй гэдгээ илэрхийлжээ. Энэхүүи агаарын дайралтын дараа Украины ерөнхийлөгч Владимир Зеленский нь ОХУ-ын ерөнхийлөгч Владимир Путины талтай шууд харилцахгүй байх зарлигт гарын үсэг зуржээ.

Кремлийн хэвлэлийн төлөөлөгч Дмитрий Песков  гэрээ хэлэлцээний талаарх асуултад "Үгүй" гэж маш товчоор хариулсан байна.

ЭХ СУРВАЛЖ: THE NEW VOICE OF UKRAINE