Нийт замуудад зориулалтын 185 тонн бодис, 282,9 тонн давс зам талбайд цацаж халтиргаа гулгаа үүсэхээс сэргийлсэн гэж нийслэлийн Захирагчийн ажлын албанаас мэдээллээ.

Авто машины зорчих хэсгийн 80 хувьд зориулалтын давс, бодис цацагдсан бөгөөд явган замын цэвэрлэгээ хангалтгүй байгаа учраас Улаанбаатар хотын Захирагчийн ажлын албаны нийт албан хаагчид болон Нийслэлийн 9 дүүргийн Засаг даргын Тамгын газрын хариуцсан алба хаагчид, хэсгийн ахлагч нар бүрэн бүрэлдэхүүнээрээ иргэн, аж ахуйн нэгжүүдийг цас цэвэрлэгээнд гарах, орчны 50 метрийн цэвэрлэгээг хийх чиглэл өгч төвийн 6 дүүргийн нутаг дэвсгэрт ажиллаж байна.

Өчигдөр өдөр нийслэлийн 7.8 сая метр квадрат замын цэвэрлэгээнд тусгай зориулалтын 94 машин техник, 579 зам талбайн үйлчлэгч ажиллалаа.