Өмнөд Солонгосын "BTS" хамтлаг 2023 оны Грэмми шагнал гардуулах ёслолын хоёр төрөлд нэр дэвшчээ. Тус хамтлаг шилдэг хамтлагийн үзүүлбэр, шилдэг клип төрөлд нэр дэвшсэнээр гурван жил дараалан Грэммид нэр дэвшсэн анхны К-поп алдартан боллоо.

Тус хамтлаг 2020, 2021 онуудад "Dynamite", "Butter" клипүүдээрээ Грэммид нэр дэвшсэн ч шагнал хүртэж чадаагүй. Харин өнгөрсөн онд шагнал гардуулах ёслолын үеэр дуулсан.

Шилдэг клипийн төрөлд дуучин Адель, "Doja Cat", Харри Стайлс, Кендрих Ламар, Тэйлор Свифт нар нр дэвшсэн байна.

"BTS" хамтлагийн хамгийн ахмад гишүүн Жин ирэх сарын эхээр хоёр жилийн хугацаатай цэргийн албандаа мордох аж.

65 дахь удаагийн Грэмми хөгжмийн шагнал гардуулах ёслол ирэх хоёрдугаар сарын 5-нд Лос-Анжелес хотноо болно.

ЭХ СУРВАЛЖ: YONHAP