Дрейк "UFC" тулаанд бооцоо тавиад 2 сая доллар алджээ

Канадын реппер Дрейк спорт бооцоо тавьснаас нэг өдрийн дотор хоёр сая ам.доллараа алджээ. Тэрбээр Нью-Йорк хотноо болсон "UFC 281" холимог тулааны тэмцээнд Исраэль Адесаньяг өрсөлдөгч Алекс Перейраг ялна гэж бооцоо тавьсан аж. Адесанья тэмцээний тавдугаар үе хүртэл давуу оноотой явж байсан ч Алексын хүнд цохилтууд түүнийг ноцтой байдалд оруулж, улмаар шүүгчид тулааныг зогсоосон байна. Ингэснээр Алекс нь Адесаньяг гурав дахь удаагаа ялав. Өмнө нь тэд кикбоксийн тэмцээнээр өрсөлдөж байв.

Дрейк өмнө нь Адесаньягийн төлөө нэг сая ам.долларын бооцоо тавьж ялж байв. Тухайн үед Адесанья нь холимог тулааны тамирчин Жаред Канноньерийг ялсан аж.