Арабын Нэгдсэн Эмират улсын Дубай хотноо “Middle East Fashion Week” арга хэмжээний нээлт арваннэгдүгээр сарын 8-нд боллоо. "Мисс Монгол" аялал жуулчлалын холбооны тэргүүн, мисс Б.Гантогоо зохион байгуулагчаар ажиллаж буй “Монгол бахархал” соёлын арга хэмжээний нээлтэд Гавъяат жүжигчин С.Наран ая дуугаа өргөн барьж, үндэсний брэнд "Nolur Cashmere" монгол ноолууран бүтээгдэхүүнээ танилцуулжээ.

Тус шоунд дэлхийн алдартнууд, загварын мэргэжилтнүүд, хэвлэл мэдээллийнхэн зорин ирсэн бөгөөд “Fashion TV”, “Vogue Arabia” сэтгүүл “Nolur” брэндийг тухайн өдрийн шилдэг үзүүлбэрээр онцолсон нь дэлхийн зах зээлд гарах эхлэлээ тавьжээ.