Засгийн газрын өнөөдрийн хуралдаанаар Цахим хөгжил, харилцаа холбооны дэд сайдаар ажиллаж байсан Б.Болор-Эрдэнийн хүсэлтийг хэлэлцэн, чөлөөлжээ. Тэрбээр чөлөөлөгдөх хүсэлтээ өчигдөр гаргасан юм. Зохион байгуулалттай улс төрийн дайралтын улмаас ажлаас чөлөөлөгдөх хүсэлт гаргаж байна гэдгээ цахим хуудсаараа дамжуулан илэрхийлсэн. Тэрбээр 2020 оноос эхлэн Мэдээлэл харилцаа, технологийн газрын даргаар томилогдон ажиллаж байгаад Цахим харилцаа холбооны яам шинээр байгуулагдахад Төрийн нарийн бичгийн дарга болж, удалгүй дэд сайдаар нь томилогдон ажиллаж байв.

Б.Болор-Эрдэнэ нь 2007-2011 онд Хүмүүнлэгийн ухааны их сургуульд элсэн орж Олон улсын харилцааны бакалавр зэргээр,

2011-2014 онд БНСУ-ын Хандон глобал их сургуулийг Бизнесийн удирдлагын магистр зэргээр,

2017 онд Английн Оксфордын их сургуулийг Төрийн удирдлагын магистр зэрэгтэй төгсчээ.

2011-2012 онд Азийн хөгжлийн банкны төслийн мэргэжилтэн,

2012 онд Мянганы сорилтын санд туслах мэргэжилтэн,

2013 онд Дэлхийн банкны төслийн хяналт, шинжилгээ, үнэлгээний мэргэжилтэн,

2017 онд Их Британийн Нэгдсэн Вант Улсын Засгийн газрын Анализ шинжилгээний газар судлаач, Нэгдсэн үндэсний байгууллагын Хүнс, хөдөө аж ахуйн байгуулагад гэрээт зөвлөх,

2018 онд Дэлхийн банкны Австрали Улс дах салбарт гэрээт зөвлөх,

2019 онд Английн Оксфордын Их сургуультай хамтарсан “Цахим эрин дэх Монгол Улс” төслийн ерөнхий зохицуулагч,

2020 оноос Засгийн газрын Хэрэг эрхлэх газрын Цахим хөгжлийн үндэсний хорооны ажлын албаны даргаар тус тус ажиллаж байсан