Дэйтоны их сургуулийн “Flyers” баг “NCAA”-ийн шинэ улирлын нээлтийн тоглолтоо Линденвуд их сургуулийн эсрэг хийлээ. “UD” аренад нийт 13 мянга гаруй хүн цугласан бөгөөд уг тоглолтод Ш.Энхийн-Од гарааны бүрэлдэхүүнд нэрлэгдэж, “Flyers”-ийн өмсгөлтэй албан ёсны анхны тоглолтдоо оролцов.

Ш.Энхийн-Од “NCAA”-ийн нэгдүгээр дивизонд тоглосон Монголын анхны сагсан бөмбөгч болжээ.

Тус тоглолтод талбайн эзэд өрсөлдөгчөө 73-46 гэсэн харьцаатай хожиж, урт удаан улирлаа хожлоор эхлүүллээ. Ш.Энхийн-Од анхны тоглолтдоо гялалзаж, 14 оноо, 5 ашигтай дамжуулалт, 3 самбараас бөмбөг авалт толилуулжээ.

Дээрх тоглолтын шилдэг агшнаар Ш.Энхийн-Одын Холмест өгсөн дамжуулалт тодорчээ.

“Flyers” багийн бусад мэдээллийн тухайд Малачи Смит, Коби Бреа, Ричард Амаефул гэсэн гурван тамирчин нь гэмтэлтэй байгаа бол Калеб Вашингтон нэг тоглолтоор торгуулсан аж.