Баруун бүсийг хямд, чанартай цементээр бүрэн хангах “Ховд эко цемент”  ашиглалтанд орж цемент үйлдвэрлэн эхэлжээ. Ингэснээр баруун таван аймгийн иргэд, аж ахуй нэгж байгууллагууд цементийг Улаанбаатар хотын үнээр авах боломж ийнхүү нээгдэж байна.

Тус үйлдвэр нь хоногт 1200-1300 тн цемент үйлдвэрлэх хүчин чадалтай бөгөөд жилд 300 мянган тонн цемент үйлдвэрлэж баруун бүсийн хэрэгцээг хангах юм.

Үйлдвэрлэсэн цементээ задгай,  1 тонн,  50 кг гэсэн 3 хэлбэрээр хэрэглэгчдэд хүргэнэ.

Ийнхүү Ховд аймагт шууд 320 гаруй, шууд бусаар 3000 хүний байнгын ажлын байр бий болж баруун бүсийн барилга, орон сууц бүтээн байгуулалтын өртөг зардал буурах боломжтой боллоо.