Монгол Улс энэ оны эхний есөн сарын байдлаар нийт 156 улстай гадаад худалдаа хийжээ. Гадаад худалдааны тэнцэл 2.4 тэрбум ам.долларын ашигтай гарсан нь өмнөх оны мөн үеэс 1.1 тэрбум ам.доллар буюу 89 хувийн ашигтай үзүүлэлт юм.

Гадаад худалдааны бараа эргэлт нийт 15.1 тэрбум ам.доллар, үүнээс экспорт 8.8 тэрбум ам.доллар, импорт 6.4 тэрбум ам.доллар байна. Нийт бараа эргэлт 31 хувиар өсөхөд экспорт 37 хувиар, импорт 24 хувиар нэмэгдсэн нь нөлөөлжээ.

Нүүрсний экспорт 3 тэрбум ам.доллараар өссөн нь өмнөх оны мөн үетэй харьцуулахад гурав дахин өссөн үзүүлэлт юм. Харин алтны экспорт 131 сая ам.доллар буюу 29 хувиар өсчээ. Биет хэмжээний хувьд алтны экспорт өмнөх оны мөн үеэс 25.5 хувиар, нүүрсний экспорт 53 хувиар, зэсийн баяжмалын экспорт 7 хувиар нэмэгдсэн байна. Боловсруулаагүй газрын тосны экспорт 62 хувиар, төмрийн хүдрийн экспортын биет хэмжээ 46 хувиар буурчээ.