"Бид дэлхийн шившиг болно" | News.MN

"Бид дэлхийн шившиг болно"

"Бид дэлхийн шившиг болно"

"Бид дэлхийн шившиг болно"
С.Одонтуяа
 УИХ-ын гишүүн С.Одонтуяа өнөөдөр /2020.10.31/ шүүхийн шийдвэргүйгээр цагдан хорьж, дарамталж, айлган сүрдүүлж хэрэг хүлээлгэдэг талаарх асуудлаар мэдээлэл хийлээ.

Тэрбээр "НҮБ-ын Дур зоргоор саатуулах асуудал хариуцсан ажлын хэсэг аравдугаар сарын 3-14-ний өдрүүдэд Монголд айлчилсан. Энэ ажлын хэсгийн дүгнэлт ичмээр байсан. Монголд хүний эрх, эрх чөлөө гэж байна уу гэдэг ноцтой дүгнэлтийг гаргасан. Бид үүнийг зүгээр орхиж болохгүй. Ажлын хэсгийн дүгнэлтэд шүүхийн шийдвэргүйгээр цагдан хорих явдал хэвийн үзэгдэл болсон байна гэсэн. Хуульч байлцуулахгүйгээр байцаалт авдаг байдал хэвшмэл болж, хүний эрхийг хамгаалагчдын хууль ёсны ажилд саад учруулах, тайван замаар эвлэлдэн нэгдэж, үзэл бодлоо илэрхийлэх эрх чөлөөг хязгаарлагдаж байна гэсэн. Нэг тоо хэлэхэд 2020 онд нийт баривчлах ажиллагааны 99.3 хувь, 2021 онд 98.3 хувь нь ямар ч шүүхийн шийдвэргүйгээр хийсэн байна гэж шинжээчид дүгнэсэн. Энэ юу гэсэн үг вэ. Тэртээх 1937 оны хэлмэгдүүлэлт үү. Яагаад ийм асуудлуудыг гаргаж байна вэ.
Мөн мөрдөн байцаагч, прокурор нарын хэргийн тоогоор өрсөлдөж, сар бүрийн эцэст ялагчийг тодруулж, урамшуулдаг практик тогтсон байна гэсэн. Цар тахлын үед бүх арга хэмжээг хохиглож, хүний эрх эрх чөлөөнд халдсан гэдгийг шинжээчид онцолсон.
Тийм учраас Хууль зүй, дотоод хэргийн сайд руу асуулга явуулж байна. Энэ дүгнэлттэй хэр санал нийлж байгаа эсэх, ийм байдал байгаа бол яаралтай засварлах хэрэгтэй. Ирэх 2023 оны есдүгээр сард энэ дүгнэлтийг НҮБ-ын Хүний эрхийн зөвлөлийн 94 дүгээр чуулган дээр хэлэлцэх юм билээ. Энэ чуулган дээр энэ асуудлыг хэлэлцвэл бид дэлхийн шившиг болно. Хүний эрхийн байр сууриас ухарна. Энэ асуудлыг  онцгой анхаараач ээ. Ойрын үед хүний эрхийг дээдлэх талаар ямар хууль санаачилж, ямар арга хэмжээ авахаа тухайгаа УИХ дээр тайлагнах шаардлагыг хүргүүлж байна. Шаардлагатай тохиолдолд бид Хүний эрхийн дэд хороог хуралдуулах боломжтой болно. Би Цагаатгах ажлыг удирдан зохион байгуулах комиссын даргаар ажилладаг. 1921-1990 он тэр дундаа 1930-аад оны их хэлмэгдүүлэлтийн үеийн хор уршгийг өдгөө ч арилгаагүй байгаа. Монгол Улсыг Их Хурлын гишүүнийхээ хувьд бүх хууль тогтоомжид хүний эрхийг дээдлэх чиглэлээр ямар зүйл заалт дутуу байна, энэ талаар нэмэлт өөрчлөлтийг хийж, хууль өргөн барихаар бэлтгэж байна" гэв.
С.Одонтуяа сэтгүүлчдийн асуултад хариулахдаа "Миний хувьд Монгол Улсад мөрдөгдөж буй бүх хуульд мониторинг хийж байна. Яг аль хуульд хүний эрх ноцтойгоор зөрчигдөж байна вэ. ЗГХЭГ-ын дарга Д.Амарбаясгалан 600 гаруй зүйл заалт бий гэж хэлсэн" тухай ярилаа.
Энэ мэдээнд өгөх таны сэтгэгдэл?
12
ЗөвЗөв
3
ХахаХаха
3
ХарамсалтайХарамсалтай
2
ТэнэглэлТэнэглэл
1
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Уншигч 2022-10-31 122.201.21.55

Ичих, шившиг болно гээд шударга бусчууд хулгайчдаа хаацаалаад байх уу? Сайхан шившиг болж цэвэрлэгээ хийгээд шудрага нийгмэмд орвол тэр чинь гайхамшиг?????

Avatar

Зочин 2022-10-31 202.21.124.69

Хүний нийгэм бол хүний төлөө , хүний эрхийг л ярина шүү дээ . Оркууд минь чиний төлөө өөр юу ярих хэрэгтэй вэ ? Энэ тухай хэн нэгэн нь дуугарч байгаад нь чи баярлах хэрэгтэй .Эсвэл чи хүний эрх зөрчигдөж байхад дуугуй байх ёстой тэр газраа очиж амьдар

Avatar

зочин 2022-10-31 202.179.27.78

Элбэгдорж хэрэг хийсэн харийн хүнийг чөлөөлөж байхад, Дорлигжав дээрэм хийж байхад шившиг болчихсон шүү дээ. Тэр үед үгээ хэлээгүй байхаа

Avatar

Зочин 2022-10-31 103.212.119.237

тэр Дорлигжав Одонтуяад хэлж байгаад дээрэм хийгээгүй байлгүй дээ. мэдэхгүй юмныхаа тухай яаж дуугарах болж байнаа.

Avatar

иргэн 2022-10-31 192.82.87.176

Хоёр эхнэртэй болбол хүнй эрх хангагдах уу?

Avatar

Н.Адан 2022-10-31 103.212.119.180

Шившиг болж л байг. Муухай харагдаж л байг. Хамаагүй. Одоо АН долоон уулын цаагуур далд ор. Та нарт санал өгсөөр ирсэн бид шившиг болсон. Одоо бусадтайгаа нийлж МАН-д санал өгнө. Ганц намтай бай цгаая.

Avatar

Зочин 2022-10-31 103.212.119.237

ЁСТОЙ Т Э Н Э Г ГАР УУ ЭНЭ Н. АДАН ЧИНЬ ХАРИН…

Avatar

СУДЛААЧ ИРГЭН 2022-10-31 202.9.46.202

хүний эрх гэхээр хэрэг үйлдээд шоронд байгаа хүмүүс даарч хөрж байна уу хоол нь стандарт ханааж байна уу гэсэн юм яриад байдаг гэтэл тэр бүх болмжийг бий болгогч татавар төлөгчид гэж мөнхийн эрх нь зөрчигдөөстэй иргэд байнаад байдаг төрийн бодогоор аль нэг дураараа албан хаагчийн зуултаар боловсролгүй бүдүүлэг хурган даргын гээд маш их дарамт ажил олгогчдод ирдэг урьд нь газарын гэрээ сунгахад нэг албан тоот өгөөд болдог байсан бол өнөөдөр 2 төрлийн дүгнэлтийг хувийн компнаар хийлгэ

Avatar

ЗОЧИН 2022-10-31 202.9.46.233

шударга ёс, ардчилал гэдэг бол халхавч төдий л зүйл. барууны ардчилсан гэх орнуудад шударга бус зүйлээр дүүрэн гэдгийг энэ авгай мэдэхгүй лдээ…

Avatar

Зочин 2022-10-31 202.55.188.126

Өөрийнх нь АН-аас сонгогдрж байсан Элбэгдорж, Баттулгын үед цэцэглэн хөгжиж аль хэдийн дэлхийд шившгээ тарьсан шүү дээ. Элбэгдорж рекламны пауз нэг тийшээ харж хүний эрх ярьж, нөгөө тийшээ харж хогилийн тогтолцоог бүтээг байгуулсан. Ерөнхий прокурор байсан дээрэмчин Дорлигжав нь яаж баяжиж байсан нь хэдийн тодорхой байсан шүү дээ

Avatar

Зочин 2022-10-31 103.26.194.133

зөв ярьжээ. 37 он биш биз дээ!!!! Шоронжуулалтыг халая, шүүхийн шинэчлэлийг эрчимжүүлье!

Avatar

Мулзлгч мафи Мнгл 2022-10-31 202.9.40.82

Гадны хөрөнгө оруулагчийг Шүүх хүчний байгууллагаараа дамжуулан дээрэмддэг Мафи төр Монголд бий болоод 10 жил болж бгаа л дэлхийг цочроож байна.. Ийм өтлаа гадны хөрөнгө лруулагч татна гэж дээр дооргүы солиордог хэмээн ёгтолжэн. 2 Ерөнхий прлкурор. ЦЕГ, ТЕГ-ын экс дарга нарыг дээлээ нөмрүүлэхгүй бол Гандыхаг шагайх ч үгүй гэнээ. Үүнийг л дэлхий жигшүүр гэнэ

Avatar

иргэн 2022-10-31 139.5.219.166

Дэлхийн шившмг болох зүйлийг АН л эхлүүлж Суурийн тавьсан шүү дээ, Ардчилал нэрээр энэ Улс орны хамаг өнгөтөй өөдтөй болгоныг Хувьчилал нэрээр АН-ынхан л Луйвардаж авцгаасан шүү дээ,

Avatar

үнэн 2022-10-31 139.5.216.230

Монголчуудын заяа их юм даа Одонтуяа гэж 1 монгол Ванга гараад ирсэн байна хурай хурай залбирцгаая даа

Avatar

Зочин 2022-10-31 103.9.90.100

Прокурор шийдсэн хэргийн тоогоор урамшуулал авдаг гэдэг бол шал худлаа мэдээлэл байна. Ингэж худлаа ярьж болохгүй ш дээ.

Avatar

Зочин 2022-10-31 192.82.73.38

Гэмт хэрэгтнүүдийг шүүх прокурор хүлээлгүйгээр саатуулж ялт хэргийг нь таслан зогсоох ёстой. Ингэхэд Монгол шиг ардчилалтай улс ховор шүү. Харамсалтай нь туйлшрагчид ардчилал үгээр гул барьж хүний эрхийг хэтрүүлэх нь жирийн үзэгдэл болсон нь аюултай юм. Засгийн газар Хөгжлийн банк лугаа адил 1990 оноос эхэлсэн үй олон луйврыг цувуулж илчлэх хэрэгтэй. Сүүлийн үед цагдаа, мөрдөгч, прокурор, шүүхийг дарамтлах нь илт ихсэж байгаа нь анхаарал татаж байна.

Avatar

Зочин 2022-10-31 124.158.64.118

Ардчилал гэгч нь зүгээр л хүний эрхийг хамгаалах. Өөр юу ч биш. Хөгжилд хүрэх зам бол бас л хүний эрхийг хамгалахад оршино. Хувь хүний эрхийг улс орны ямарч асуудлын дээр тавихыг "хүний эрх" гэнэ.

Avatar

Зочин 2022-10-31 64.119.21.20

ene awgai shut up , erkh gej khutsakhaa boli , uureg gej yum baidgiig odoo yarikh bolson , ta nar erkh gej khutsasaar mongolyg suidelj baina , awgai mini

Avatar

Зочин 2022-10-31 103.9.90.100

хөгжлийн банкны хэргийг, авилгын хэргийг шалгаад эхлэнгүүт нөгөө муу мөрдөгч, прокурор луу дайрч байгаа ш дээ. ингээд яялгүй өнгөрөх биз. Ард түмэн өрийг нь төлж ядуураад л, эд нар хүний эрх ярьж ялаас мултраад л

Avatar

ЗОЧИН 2022-10-31 202.21.126.30

ХӨЛ ТОЛГОЙГОО ЯЛГАХГҮЙ ШАХУУ ХӨЛДҮҮ МОНГОЛЧУУД "ХҮНИЙ ЭРХ" ГЭЖ ХООСОН ХАШГИРСААР ЮУ ХОЖИВ. ХИЙ ЧАЛЧИГЧ ХОВ ЯРИГЧ, ХООСОН ГОМДОГЧ, БУСДЫН ГАР ХАРАГЧ Л БОЛЛОО. ХҮНИЙ ЭРХ ГЭДГИЙГ НААД ЗАХ НЬ СУРЧ БОЛОВСРОХ, ЭРҮҮЛ МЭНДЭЭ ХАМГААЛАХ ЭРХ ӨӨРТ НЬ БАЙДАГ ГЭДГИЙГ ОЙЛГУУЛАХААС ЭХЭЛМЭЭР. УИХ-ЫН ДЭД ДАРГА НЬ ХҮРТЭЛ УЛСАА ШИВШИГЛЭХ ЗАМААР ХҮНИЙ ЭРХ ХАМГААЛАХ ГЭЭД БАЙГАА ЮМУУ

Avatar

Зочин 2022-10-31 103.212.119.237

юм уншаад ойлгодоггүй юм уу хаашаа юм хүнийхээ эрхийг хамгаалж, улсаа шившиг болохоос хамгаалая гээд байна шүү дээ. улсаа шившиг болгож хүний эрх хамгаалая гэж юу байхав дээ… юм сайн уншиж өөрийгөө хөгжүүл ядаж хүний доог болохгүй юм ойлгочихдог болно

NewsMN Гар утасны хувилбар Татах
NEWS.mn

Мэдээллийн эх сурвалж