Украины армид тулалдаж буй хөл хүнд мэргэн буучийн тухай "The New Voice of Ukraine" сайтад мэдээлжээ. Эмералд Евгений армид татагдан очсоныхоо дараа хөл хүнд болсноо мэдсэн ч бусдад хэлэхээс айж байсан тухайгаа ярьжээ. Тэрбээр хамт байлдаж яваа цэрэг Евхен Стяпаниуктай аравдугаар сарын 14-нд гэрлэлтээ батлуулсан аж.

Эмералд хэлэхдээ, "ОХУ-аас өнгөрсөн хоёрдугаар сард Украинд бүрэн хэмжээний дайн эхлүүлэхэд би ард түмэндээ дайсныг эх орноосоо шахаж гаргах хүртэл тулалдана гэж амласан. Харамсалтай нь би амлалтаа биелүүлж чадахгүй нь. Найз нөхөд минь уучлаарай. Би удаан хугацаанд жирэмсэн болсноо хэлж чадахгүй явлаа" гэж инстаграмдаа бичжээ.

Тэрбээр  жирэмсний хордлого өгч, тулалдахад хүндрэлтэй байсан учир өнгөрсөн есдүгээр сарын дундуур тулааны талбараас буцсан байна.

Эмералдын хувь энэ нь хоёр дахь хүүхэд нь аж. Өмнөх харилцаанаасаа тэрбээр нэг охинтой аж.

ЭХ СУРВАЛЖ: THE NEW VOICE OF UKRAINE