Зудын эрсдэлийн үнэлгээгээр Баян-Өлгий, Баянхонгор, Завхан, Увс, Ховд аймаг их эрсдэлтэй, Архангай, Говь-Алтай, Өвөрхангай аймаг дунд эрсдэлтэй гэсэн дүгнэлт гарсан байна. Зуншлага тааруу, малын тарга хүч муу, хадлан бэлтгэл хангалтгүйн улмаас  өвөлжилт хүндэрч болзошгүй, малын гоц халдварт өвчний хорио цээрийн дэглэмтэй байгаа Өмнөговь, Дорноговь, Дундговь, Баянхонгор, Говь-Алтай, Ховд, Завхан аймгуудын нөхцөл байдлын талаарх мэдээллийг сонсож тулгамдаж буй асуудлаар харилцан санал солилцлоо. Сэлэнгэ, Булган аймгууд өвс, тэжээлийн захиалга авч хүндэрч болзошгүй аймгуудад туслахаа илэрхийллээ.

Өнөөдрийн байдлаар аймаг, нийслэл, сум, дүүргийн өвс, тэжээлийн аюулгүйн нөөцөд 15.5 мянган тоннн өвс, 4.8 мянган тонн тэжээл бэлтгэсэн талаар ХХААХҮ-ийн сайд Х.Болорчулуун мэдээллээ.