Багануур, Багахангай дүүргийн нутаг дэвсгэрт ихээхэн хэмжээний цас орж, орон нутгийн замд халтиргаа гулгаа үүссэн байна. Иймд онцын шаардлагагүй тохиолдолд орой, шөнийн цагаар холын замд гарахгүй байхыг Нийслэлийн Онцгой байдлын газраас онцгойлон анхааруулж байна.

Мөн зүүн болон өмнө зүгийн нутгаар ахиухан хэмжээний цас орж буй тул Улаанбаатар хотоос холын замд гарах тээврийн хэрэгслийн жолооч, зорчигчдод цаг агаарын мэдээ, мэргэжлийн байгууллагуудаас өгч буй анхааруулга, зөвлөмжийг хүлээн авч, тээврийн хэрэгслийн бүрэн бүтэн байдал, шатахууны нөөц, дулаан хувцас, аюулгүй байдлаа сайтар хангахыг санууллаа.

Б.ЖАРГАЛ