Сурвалжлага: Урамшууллын сургаар "E-Police"-ийн хандалт нэмэгдэв | News.MN

Сурвалжлага: Урамшууллын сургаар "E-Police"-ийн хандалт нэмэгдэв

Сурвалжлага: Урамшууллын сургаар "E-Police"-ийн хандалт нэмэгдэв

Сурвалжлага: Урамшууллын сургаар "E-Police"-ийн хандалт нэмэгдэв

Замын хөдөлгөөнд саад учруулдаг, дүрэм зөрчдөг жолооч нарыг мэдээллэх зорилготой “E-Police” гар утасны аппликейшн 2018 онд хэрэглээнд нэвтэрсэн. Хэдий хүмүүсийн гарт хүрээд дөрвөн жилийн хугацаа өнгөрч байгаа ч сүүлийн үед тус аппликейшн тун эрэлттэй байна. Учир нь “E-Police”-д зөрчил илгээвэл зөрчил бүрт дөрвөн мянган төгрөгийн урамшуулал олгох асуудлыг холбогдох албаныхан ярилцсан гэх мэдээллээс үүдэлтэй. Олон нийтийн дунд хэрүүл, талцал дагуулсан энэ асуудал албажаагүй. Одоохондоо яриа төдий байгаа ч иргэд бусдын зөрчлийг илрүүлэхэд ёстой л "бурууд нүд хурц" болж байх шиг ямартай нь нэг өдрийн дотор хандалт нь эрс өсчээ.  Нэг талаар иргэдийн үүргийг сануулж, олон нийтийн хариуцлалыг идэвжүүлж буй ч нөгөө талаар хэн нэгнийгээ матах хэлмэгдүүлэхэд хүргэх вий гэсэн болгоомжлол ч байна.

  “E-Police аппликейшн одоогоор урамшуулал олгож эхлээгүй байгаа. Засгийн газрын 47 дугаар хуралдааны тэмдэглэл гарсан. Энэ тэмдэглэлээр тус аппликейшнаар зөрчил ирүүлсэн тохиолдолд урамшуулал олгох тухай дагалдах журмыг боловсруулах үүрэг даалгавар өгсөн. Одоогоор журам боловсруулагдаж байна. Журам эцэслэж гараагүй учир урамшуулал олгох механизм хэрэгжиж эхлээгүй байгаа”  гэж Нийслэлийн ЗДТГ-ын хэвлэлийн төлөөлөгч Н.Сугар тайлбарласан юм.

Урьд нь өдөрт дунджаар 600 орчим зөрчлийн мэдээлэл “E-Police”-оор дамжин ирдэг байсан бол урамшуулал олгоно гэх мэдээлэл гарсны дараа өдөрт дунджаар 4 мянган болж өссөн гэж Замын хөдөлгөөний удирдлагын төвөөс мэдээллээ. Өөрөөр хэлбэл, мөнгөний сураг сонссон иргэд зөрчлийн мэдээлэлд идэвхтэй хандах болсон байна.

 “E-Police” аппликейшн өнөөдрийн байдлаар нийт 36 мянган хэрэглэгчидтэй. 2018 оноос хойш 141 мянган тээврийн хэрэгсэлд энэ аппликейшнээр дамжуулан хариуцлага тооцсон гэх мэдээ байна.

Гэмт хэрэг, зөрчлөөс урьдчилан сэргийлэх тухай хуульд зааснаар 200 нэгжээс доош хэмжээний торгуультай зөрчил илрүүлэхэд үр дүнтэй оролцсон иргэнд 20 хувийг нь, 200 нэгжээс дээш тохиолдолд 10 хувийг нь буцаан олгох хуулийн зохицуулалт бий. Гэхдээ өнгөрсөн хугацаанд хэрэгжиж байгаагүй шалтгаан нь дагалдах журам батлагдаагүй байжээ. Харин журам нь гарсны дараа Сангийн яам, Хууль зүй, дотоод хэргийн яам, Цахим хөгжил, харилцаа холбооны яамны оролцоотойгоор урамшуулал олгодог тогтолцоо нь бүрэн хэрэгжих аж.

“E-Police”-той холбоотойгоор иргэд янз бүрийн л байр суурь илэрхийлэв. Нэг хэсэг нь тоглоом, шоглоом маягаар хөнгөхөн элэглэж байхад нөгөө хэсэг нь зогсоолын асуудлаа шийдэж чадаагүй төр, засгийг буруутгаж байгаа харагдана.

Иргэн н.Мэндээ зогсоолын асуудлаа шийдээгүй байж торгуулийн арга хэмжээг чухалчилж байгааг буруутгасан юм. Тэрбээр “Зогсоолоо шийдэж чадаагүй байж торгуулиар иргэдээ айлгаж болохгүй" гэв. Тэгвэл өөрийгөө Төгөлдөр гэж танилцуулсан залуу "Уг нь зорилго нь зөв. Явган хүний зам дээр машин тавьснаар хүний амь насанд эрсдэл учрах асуудал яригдах нь зөв. Гэхдээ Монгол шиг авто машины зогсоолоо шийдээгүй газар хэт дөвийлгөх нь буруу юм шиг санагдсан. Сайны хажуугаар саар гэгчээр муу хүмүүс чинь хүний алдаан дээр ажлаад байна. Хүний амьдралыг улам муутгаж, стресдүүлэх хэрэггүй” гэж шүүмжиллээ.

 

Иргэдийн дунд уг аппликейшныг утсандаа суулгахгүй гэх хүмүүс ч байлаа.  Н.Ганбилэг  энэ талаараа тайлбарлахдаа "Надад бол таалагдахгүй байгаа. Зогсоолын асуудлыг шийдэх талаас нь бус мөнгөгүйгээр нь далимдуулаад байх шиг санагдсан. Нэгийг нь торгоод нөгөөд нь торгосон мөнгөнөөс нь шимтгэл өгнө гэдэг буруу. Би тэр аппликейшнийг татахгүй" гсэн бол н.Хоролбат ашиглаж үзнэ гэдгээ илэрхийлсэн. Тэрбээр “Ашиглаж үзээгүй болохоор сайн мэдэхгүй байна. Хүмүүсийн яриагаар бусдыгаа матаж, барьж өгөөд байна  гэсэн. Ашиглъя гэсэн бодол байна” гэлээ.

Б.Сүхбат ийм төрлийн аппликейшн байх нь зөв ч зогсоолын асуудлаа эхлээд шийдэх хэрэгтэй гэдгийг дурдсан. Тэрбээр “Манай найз татсан байна лээ. Маш их тренд болж байгаа юм байна. Гэхдээ нэг талдаа зогсоолын асуудал яригдах ёстой. Зогсоол байхгүй учир жолоочид явган хүний зам дээр машинаа тавьж байгаа. Аппликейшн нь бол хэрэгтэй" гэв.

"Замын хөдөлгөөн арай нэг цэгцэрч, дүрэм зөрчиж байгаа хүмүүс арай гайгүй болох байх. Нөгөө талаасаа хүмүүсийн ухамсарт нөлөөлнө. Бие биенийгээ матдаг, бараан болж буй нийгэм улам бараан болчих вий гэдэгт санаа зовж байна"

Харин мэдээлэл өгсөн иргэдийг  Гэмт хэрэг, зөрчлөөс урьдчилан сэргийлэх тухай хуулийн 34 дүгээр зүйлд гэмт хэрэг, зөрчлөөс урьдчилан сэргийлэх ажилд идэвхтэй оролцсон гэж урамшуулахаар яригдаж байгаа юм байна. Хуульд зааснаар иргэний өгсөн мэдээллийн мөрөөр уг зөрчилд 200 хүртэл нэгжээр торгох шийтгэл оногдуулах бол энэхүү торгуулийн 20 хүртэл хувьтай тэнцэх хэмжээний, 200-аас дээш нэгжээр торгох шийтгэл оногдуулсан бол 10 хүртэл хувьтай тэнцэх хэмжээний мөнгөн  урамшуулал олгодог аж.

Энэ мэдээнд өгөх таны сэтгэгдэл?
10
ЗөвЗөв
8
ТэнэглэлТэнэглэл
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2022-10-28 66.181.191.240

Аавын хүүхдийг алаг үзэхгүй гэдэг биз дээ.Мөнтусгай дуут дохио асаагаад урсгал сөрж байгаа цагдаагийн машин,тусгай дуут дохиогоор хамгаалуулж явдаг томчуулыг г.м зүйлийг ч гэсэн бичих хэрэгтэй.

Avatar

хүрэл 2022-10-28 202.126.90.25

маш зөв. бас гудамжинд архи ууж, тамхи татаад энд тэндгүй тамхины иш, хог хаягдал, нус цэрээ хаяж, хүнд хөнгөнөөр бие засаж байгаль орчин бохирдуулж байгааг ингэж мэдээлэх олон нийтийн хяналт хэрэгтэй байна. 👍👏

Avatar

Зочин 2022-10-28 66.181.182.83

Уг зөрчлийг хүүхэд залуучууд түлхүү мэдээлэх байх, тэдэнд ч 4000 төгрөг нь хэрэгтэй. Зөв санааг ажил хэрэг болгох хэрэгтэй.

Avatar

Зочин 2022-10-28 192.82.68.217

иргэдийн хяналт гайхамшгийг бүтээнэ шүү

Avatar

😀 2022-10-28 192.82.80.241

зөв ховч хөгжилд тустай. арай л дэндүү амин хувиа хичээж, бусдыг үл хүндэтгэсэн жолооч нарыг ховлох л хэрэгтэй.

Avatar

Иргэн 2022-10-28 64.119.17.193

Сайхан матаачид байна даа. Хүн чанараа гээж дээ. Торгуулийн орлогын төлөвлөгөөгөө давуулан биелүүлэх нь дээ. Өдөрт багадаа 68 саяар орлого нь нэмэгдсэн байна

Avatar

Зочин 2022-10-28 192.82.73.38

Энд зогсоол ямарч хамаагүй. Зогсоол хүлээгээд зөрчил гаргаад байх уу. Мэдээж зогсоолыг дэс дараатай нэмээд явж байна. Приус ба хуучин машинд хязгаарлалт тогтоохгүйгээс ачаалал, осол зөрчил ихсэх шалтгаан болж байнаа

Avatar

Зочин 2022-10-28 202.126.88.236

Зогсоолын асуудалаа шийд ч гэх шиг !!!! Явган хүмүүс хохирох ёсгүй!!! Энэ Приүс гэдэг машин гаалийн татваргүй болсоноор өдөр болгон 300ш орж ирж байгааг болиулах хэрэгтэй

Avatar

ош 2022-10-28 66.181.160.8

Энэ аппыг хэрэглэснээр стресс нэмэгдэх биш эсрэгээрээ маш багасна.
Нэг хөдөөний банхар машинаараа явган хүний зам таглачихвал тэр хэсгээр өнгөрсөн маш олон хүн бухимдаж эсээ үхүүлдэг байдал байхгүй болж, банхар боож үхнэ, бусад нь тайван сайхандаа жаргана.

Avatar

зочин 2022-10-28 202.9.46.134

1р замаа чөлөөлж автобуусс чөлөөтөй явах боломжоор хангаж өгөөч ээ Хүн ам байшин барилга машин техник шавааралдсан газрын наймаачдын балагаар ийм дүр төрх үүүссэн

Avatar

үнэн 2022-10-28 150.129.141.182

ЗӨВ ЗӨВ УРАМШУУЛАХ ЁСТОЙ

Avatar

Зочин 2022-10-28 43.228.129.131

Зөв зөв, торгуулий нь ч нэмэх хэрэгтэй, заавал хүн болгон машин унах албагүй, алхах гишгих зайгүй чихсэн энэ хотод машин унах үнэтэй бас хэцүү байх ёстой тэгэж байж машин унах нь цөөрнө

Avatar

Zochin 2022-10-28 192.82.68.115

Муу юмтай эвлэрч амьдардагаа больё

Avatar

Зочин 2022-10-28 192.82.76.242

зөв шийдвэр зогсоолыг улс биш тухайн байгуулга нь шийдэх ёстой зогсоолгүй газраар үйдчлүүлжх ээ л больчих дүрэм зөрчиж байгаа хүмүүсийн буруу

Avatar

Зочин 2022-10-28 124.158.120.30

машин нь зам дээрээ багтахгүй зогсоол нь дүүрсэн тэгээд одоо яах вэ Хотын удирдлага машиныг тэгш сондгойгоор нь явуулах шийдвэрээ гаргах хэрэгтэй тэгвэл замаар чөлөөтөй явж зогсоолд тавих боломжтой болно

Avatar

Зочин 2022-10-28 66.181.161.73

урсгал сөрсөн, улаан гэрлээр уулзвар нэвтэрсэн гэх мэт ноцтой бүдүүлэг зөрчлүүдийг илрүүлж явуулсан тохиолдолд торгуулийн мөнгөнөөс урамшуулал олгож нөгөө жолоочид нь хариуцдага тооцдог болвол зүгээр дээ.

Avatar

Зочин 2022-10-28 202.126.89.209

zogsool geed balai yum yarih yum, shiidegdene gej bhgui shdee. Tsagiin 20k bolgovol taarna. Tegvel onts heregti hun n zogsono, busad n hotiin zaiduu gazar zogsono, buh gazar tii m l bn. Seould gehed hotiin tov iin zogsool 25k tsagiin

Avatar

Зочин 2022-10-28 202.126.90.87

durem zurchihuu l bolichih. dutagdliin hajuuvaar duugui ungurch bolohgui. mash zuv shiidel. odoo irgenbolgon zamiin tsagdaa

Avatar

Бадарч тахар 2022-10-28 59.153.114.213

Зөв газар зогссон байсан ч гэсэн энэ апп аар тухайн жолоочийг хорлож болно ! ёр нь олон талын ашигтай хорлонтой апп шүү ! мөнгөндөө биш хүн хорлохдоо байдаг юм ! иймэрхүү хоббитой хүмүүсийн алтан үё ирж байна !! хохь чинь !!

Avatar

ХАХАХА 2022-10-28 150.129.141.182

ЧАМ ШИГ л******д Л ТИЙМ ЮМ ХИЙХ БАЙХ л***р МИНЬ

Avatar

Зочин 2022-10-28 192.82.85.138

Энэ апп-аар мэдээлэхээр эхлээд хүлээж аваад дараа нь үндэслэлтэй эсэхийг нь шалгаж үзээд тэгээд үнэхээр дүрэм зөрчсөн байвал торгууль ногдуулдаг юм байна лээ. Хүмүүсийн хардаад хорлоно энэ тэр гээд байгаа шиг хаа хамаагүй ирсэн мэдээлэл болгоноор торгоод байна гэж байхгүй санагдсан. Би лав нэлээн хэдэн сар хэрэглэж байна. Торгууль ногдуулсан ч байна, баримт хангалтгүй эсвэл үндэслэлгүй гээд цуцлагдсан нь ч байна. Явган хүмүүс жолооч нарын буруугаас стресст өртөнө гэдэг бол байж боломгүй асуудал.

NewsMN Гар утасны хувилбар Татах
NEWS.mn

Мэдээллийн эх сурвалж