Иод дутлын эмгэг гэж юу вэ?

Хуучирсан мэдээ: 2022.10.26-нд нийтлэгдсэн

Иод дутлын эмгэг гэж юу вэ?

Хүний бие махбодид зайлшгүй шаардлагатай бичил бодисын нэг болох “Иод” дутлын улмаас бие бялдар, оюун ухааны хөгжилд илэрч буй сөрөг илрэлүүдийг нэгтгэн “Иод Дутлын Эмгэг” гэж нэрлэдэг.

Шалтгаан:

  • Хөрс, ус, хүнсний бүтээгдэхүүнд агуулагдах иодын хэмжээ бага байх – иодын дуталтай бүс нутаг.
  • Иодиор баялаг далайн гаралтай хүнсний бүтээгдэхүүний хэрэглээ хангалтгүй байх.

Хэн илүү өртдөг вэ?

  • Жирэмсэн эмэгтэйчүүд
  • Хөхүүл эхчүүд
  • Иодын дуталтай эхээс төрсөн хүүхэд
  • Бага насны хүүхэд

Хор уршиг

  • Жирэмсэн эмэгтэйд: үр зулбах, дутуу төрөх, жин багатай эсвэл оюун ухааны хомсдолтой хүүхэд төрүүлэх.
  • Хүүхдэд: бие махбодын болон оюун ухааны хөгжил хоцрох, ой ухааны хомсдол илрэх.

Илрэх шинжүүд:

Урагт:

  • Амьдрах чадвар муудах
  • Тархи мэдрэлийн эд, эрхтэний хөгжил саатах
  • Ураг зулбах, дутуу болон амьгүй төрөх
  • Хугацаа гүйцэд боловч жин багатай төрөх

Хүүхдэд:

  • Бамбай булчирхай томрох буюу бахлуур үүсэх
  • Сэтгэхүйн болон оюун ухааны хөгжил хоцрох
  • Оюун ухааны хомсдол
  • Сонсгол болон хэл ярианы хөгжилд эмгэг согог илрэх
  • Биеийн гажиг хөгжил
  • Хөдөлгөөний эрхтэний саажилт

Насанд хүрэгсдэд:

  • Бамбай булчирхай томрох буюу бахлуур үүсэх
  • Бамбай булчирхайн үйл ажиллагааны дутмагшил
  • Биеийн эрчим сулрах
  • Биеийн дулааны зохицуулга алдагдах

Та юу хийх вэ ?

Хоол, хүнснийхээ хэрэглээг үнэл

  • Танайх иоджуулсан давс хэрэглэдэг эсэх, танай орон нутагт иоджуулсан давсны хангамж, хүртээмж хэр зэрэг байгааг тодруул.
  • Иоджуулсан давсыг гэртээ хэрхэн яаж хадгалж, хэрэглэж байгаадаа дүгнэлт хийж, өөрийн гэр бүлийнхэндээ зөв хадгалж хэрэглэх талаар зөвлөгөө өг.
  • Иоджуулсан давсны иодын агууламжийг хурдавчилсан шалгуур ашиглан шууд тодорхойлж сур.

Эмчид ханд

  • Та иодын дутал түгээмэл илэрдэг бүс нутагт амьдардаг бол дотоод шүүрлийн булчирхайн эмчид хандаж, танд иод дутал байгаа эсэхийг тодруул.

Иоджуулсан давсыг хадгалахдаа

  • Иоджуулсан давсыг тагтай саванд гэрлээс далд хуурай сэрүүн нөхцөлд хадгалвал иодын агууламж нь алдагдахгүй

 

Энэ мэдээнд өгөх таны сэтгэгдэл?
5
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж