Хичээлийн шинэ жил эхлэх гэж байгаатай холбогдуулан нийслэлийн Чингэлтэй дүүрэгт ирэх бямба гаригт “Номын баяр-2010” арга хэмжээг зохион байгуулахаар болжээ. Бидний хэлж заншснаар Урт цагааны өмнөх талбайд  хичээлийн хэрэгслийн үзэсгэлэн худалдаа, урлаг соёлын арга хэмжээ болох юм. Энэ үеэр Төмөрчиний гудамж буюу Тэнгис кинотеатрын өмнөх уулзвараас Их дэлгүүрийн зүүн талын уулзвар хүртэлх авто замын хөдөлгөөнийг хаах бөгөөд өргөн нийтийн цугларалт маягаар зохион байгуулах аж. Өдрийн турш болох уг номын баярт оролцогчид явганаар ирж үйлчлүүлэх гэнэ. Иймээс бүх дүүргийнхэн хичээлийн шинэ жилийн номын баярт идэвхтэй оролцох, зохион байгуулах ажлыг Чингэлтэй дүүрэг хариуцах юм.

Д.Долгор