Сурвалжлага: Хүүхдийн ханиад эдгэхгүй нэг сар болж байна | News.MN

Сурвалжлага: Хүүхдийн ханиад эдгэхгүй нэг сар болж байна

Сурвалжлага: Хүүхдийн ханиад эдгэхгүй нэг сар болж байна

Сурвалжлага: Хүүхдийн ханиад эдгэхгүй нэг сар болж байна

Эх, хүүхдийн эрүүл мэндийн үндэсний төв бага насны хүүхдээ тэвэрсэн эцэг эхчүүдийн хөлд дарагджээ. Эцэг эхчүүдийн нэг хэсэг нь өлгийтэй нярайгаа үзүүлэхээр дарааллаа хүлээнгээ гаднах талбайд нь агаарлаж зогсоно.

Зарим нь эмчийн өрөөний үүдэнд бөөгнөрч, ээлж дугаараа тэвчээртэйгээр хүлээж байв. Хүүхдүүд уйлагнаж, аав ээжийнхээ энгэрт наалдана.

Зөвхөн амьсгалын замын өвчлөлийн тасаг гэлтгүй хүүхдийн чих хамар хоолой, мэдрэл, харшил, нүдний эмчид үзүүлэх эцэг, эхчүүдийн  дарааалал их байлаа.

Нярай хүүхдээ нүдний эмчид үзүүлэхээр дугаарлаж байгаа Ц.Энхцэцэг "Эх нялхаст улс орны өнцөг булан бүрээс хүүхдээ дагуулж ирж үзүүлдэг учраас дараалал дугаар ихтэй байдаг юм" гэв. Хажуугийн хаалганд, мэдрэлийн эмчид хүүхдээ үзүүлэхээр эцэг эхчүүд дугаарлана. Зарим нь эмчид үзүүлэхээр хоёр сарын өмнө цаг авч, өнөөдөр өглөө эмнэлэгт ирсэн ч үзүүлж чадаагүй байна гэсэн юм.

"УЛС, ХУВИЙН ГЭЛТГҮЙ ЭМНЭЛЭГТ ОЧИХООР ДАРААЛАЛ НЬ ДИЙЛДЭХГҮЙ БАЙНА"

Баянзүрх дүүргийн оршин суугч Ш.Шижирбат охиноо утсаараа сатааруулангаа "Хүүхэд маань  нэг ой, зургаан сартай. Өнгөрсөн шөнөөс эхлэн тасралтгүй бөөлжиж эхэлсэн. Бид түргэн тусламжийн 103 дугаар руу залгаж зөвлөгөө авахад "Шууд дүүргийн эмнэлэг рүүгээ яв" гэсэн. Дүүргийн эмнэлэг дээр очиход нарийн коридорт хүүхдээ тэвэрсэн эцэг, эхчүүд урт дараалал үүсгэчихсэн байсан учраас хувийн эмнэлэг рүү явсан.

Гэвч хувийн эмнэлэг нь ялгаагүй гаднаа машинаа ч байрлуулах зайгүй урт дараалалтай байсан. Арайхийж тэндээ урьдчилан сэргийлэх дусал тариа хийгээд гэртээ буцсан. Хүүхэд маань 36 цаг юу ч идэж, уугаагүй. Энэ хугацаанд гэнэт хүүхдийн бие муудвал яах вэ. Улсын, хувийн гэлтгүй эмнэлэгт очихоор дараалал нь дийлдэхгүй. Одоо ЭХЭМҮТ-д хүүхдээ оношлуулахаар цаг аваад сууж байна. Ажлаа алдаж, хүүхдээ үзүүлэхээр цаг авсан учраас хэчнээн цаг хүлээсэн ч сууж байгаад үзүүлнэ" гэв.

Р.Уянгын охин найман сартай, халуун нь огт буухгүй байгаа аж. Тэрбээр "Бид хоёр өглөө 08:00 цагт эмнэлэгт ирж, халуунаа буулгасан. Эмчийн цаг дуусч, Пүрэв гаригт үзүүлэх боломжтой гэсэн. Тиймээс цаг авсан хүмүүсийн араас нэмэлтээр дугаарлаж байна. Ямар ч байсан гурван цаг хүлээж байна. Хүүхдийн хувьд шингэн нус гоожиж, 40 хэм хүртэл өндөр халуурч байгаа. Түргэн тусламжид дуудлага өгөхөөр 38 хэм хүртэл халуурах нь хэвийн гээд тоохгүй юм. Халууныг нь буулгахаар лаа хийгээд буухгүй байна. Хөдөө орон нутгийн хаягтай учраас энд ирсэн юм" гэлээ.

ХАНИАДНЫ ЭДГЭХ ХУГАЦАА УДААН, ХАНИАЛГАЖ, ХАЛУУРАХ, ХООЛОЙ ӨВДӨХ ШИНЖ ТЭМДГЭЭР ИЛЭРНЭ

 "Хүү маань одоо хоёр настай. Би хүүгээ үзүүлэх гээд 30 минутын өмнө ирсэн. Хүү өндөр халуурч, ханиалгаж байгаа. Ханиад нь эдгэхгүй нэг сар болж байна. Эм уугаад ч эдгэхгүй болохоор ЭХЭМҮТ-д үзүүлэхээр ирлээ. Цэцэрлэгт энэ жил орсон. Хүүхдүүдийн дунд ханиад томуу их байна" гэж хүүгээ тэвэрч суусан Ж.Эрдэнэцэцэг хажуугаас ярианд оролцлоо.

Халдварт өвчин судлалын үндэсний төвөөс өгч буй мэдээллээр бага насны 0-15 насны хүүхдүүдийн өвчлөл 90 орчим хувийг эзэлж байна. Үүн дотроо 0-4 настай хүүхдийн өвчлөл 60 орчим хувийг эзэлж байгаа.

Ялангуяа эмнэлэгт хэвтэн эмчлүүлж буй хүүхдүүдийн 50 орчим хувь нь амьсгалын замын цочмог хэлбэрийн хүнд халдвартай гэж оношлогдож байгаа аж.

Хүйтний улирал эхэлж, ханиад томуу, халдварт өвчин дэгдсэнээр эмнэлгийн ачаалал эрс нэмэгджээ. Хүүхдүүдийн дунд хүнд хэлбэрийн ханиад, томуу гадуур их дэгдэж, өвчлөл нэмэгдэж байгааг эмч нар хэлж байв.

Эдгэх хугацаа удаан бөгөөд ханиалгаж, халуурах, хоолой өвдөх гэх мэт шинж тэмдгүүдээр илэрч байгаа аж.

ӨНГӨРСӨН ЖИЛҮҮДЭД БАЙГААГҮЙГЭЭР ТОМУУГИЙН ВИРУС НЭМЭГДЭХ ХАНДЛАГАТАЙ БАЙНА

Тэгвэл уг ханиад нь ямар төрлийн вирусээс гаралтай болох, хэрхэн эмчлэх талаар ХӨСҮТ-ийн Томуугийн үндэсний нэгжийн дарга А.Бурмаа зөвлөгөө өгөхдөө "Хүйтэн сэрүүний улирал эхлэхэд Монголд томуу, томуу төст өвчин дэгддэг. Бид одоо яг энэ үе дээрээ явж байна. Зөвхөн томуугийн вирусээс гадна бусад амьсгалын замын томуутай төстэй, ижил шинж тэмдэгтэй вирус нь хүн амын дунд өвчлөлийн шалтгаан болдог. Вирус судлалын лабораторид хийж байгаа шинжилгээгээр томуугаас бусад вирус тодорхойлогдож байна. Зонхилон дэгдэж байгаа нь риновирус, аденовирус байгаа юм.

Эдгээр вирус нь томуутай адилхан шинж тэмдэгтэй бөгөөд амьсгалын дээд халдвар илүү үүсгэдэг. Цаашдаа томуугийн А, В вирус ч дэгдэх хандлага ажиглагдаж байна. Тийм учраас эмнэлгийн байгууллагууд бэлэн байдлаа хангах ажилдаа орсон. Өнгөрсөн жилүүдэд байгаагүйгээр томуу, томуу төст өвчний вирусүүд нэмэгдэх хандлагатай байна" гэдгийг хэлжээ.

ХӨСҮТ-өөс долоо хоног бүр тандалт, мэдээ тайланг гаргадаг. Өмнөх долоо хоногийн байдлаар амбулаторид үзүүлж байгаа нийт иргэдийн 7-8 хувь нь томуу, томуу төст өвчтэй гэж оношлогджээ. Харин нийт эмнэлэгт хэвтэгсдийн 10.7 хувь нь амьсгалын замын цочмог хүнд хэлбэрийн халдвартай байна гэсэн тандалт судалгаа гарсан байна.

Гэрэл зургийг Б.Эрдэнэбилгүүн
Энэ мэдээнд өгөх таны сэтгэгдэл?
5
ХарамсалтайХарамсалтай
2
ХахаХаха
1
ХөөрхөнХөөрхөн
0
ЗөвЗөв
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2022-10-18 202.9.46.210

Бөөгнөрөл хүн амын нягтрал суурьшилыг Улаанбаатар хот ямарч арга хэмжээ аваад ачаалалаа дийлэхгүй болж байна Хот төлөвлөлт муу улс төржилтын балаг гай шдэ

Avatar

зочин 2022-10-18 103.212.116.226

Эзэнгүй улс биологийн зэвсгийн туршилтын талбар болжээ

Avatar

Зочин 2022-10-18 202.55.188.97

яг ийм уед говийн дулаахан агаарын бохирдол бага газар евлийг давж гарвал зугээр дэ

Avatar

Зочин 2022-10-18 103.10.21.249

эмнэлэгүүд мэдсээр байж бэлэн биш хүний нөөцөө шийдээгүй өөрсдөө хүүхэдгүй юм шиг их сэтгэлгүй ажиллаж бна эм сайд маш муу ажиллаж бнашүү

Avatar

Зочин 2022-10-18 103.57.94.135

Huuhdiin haniad aimaar bnaas

Avatar

Зочин 2022-10-18 202.179.21.213

Мие Энхболдын лай Улаанбаатарын агаар маш муу шууд агаар шүү дээ
Мие Энхболд бол чөтгөр мангасын хотын төлөвлөлт үнэндээ сөнөсөн

Avatar

Зочин 2022-10-18 64.119.16.67

Энэ яалтчгүй 3 жил хөл хориогоор хязгаарлагдсан элдэв ханиад томууны хувилбарууд нэгэн зэрэг тархаад байх шиг байна. Эрүүл мэндийн улсын болоод хувийн байгууллагууд томуугийн вакциныг хүүхдийн хичээл сургууль эхлэхээс өмнө нь оруулж ирмээр байгаамдаа. Бараг 9 сарын 1-нд хүүхдүүд томуугийн вакцинаа хийлгэцэн очдог болчуул ийм юм болохгүйлдээ

Avatar

Зочин 2022-10-18 64.119.23.194

маск зүгээчээ, оркуудаа!!!!! хөдөөнөөс хотод ирсэн, нэг ямбий машин авчихаад амьдарч болно гэж бодсон нийгэмшээгүй эр, эм гайнууд олон бнаа

Avatar

Зочин 2022-10-18 202.179.21.213

хаа нэг ийм сэтгэлгээтэй хүмүүс үр удмаараа шороо үмхэж сүйрдэг жамтай

Avatar

..... 2022-10-18 202.21.114.170

агаар, ус, амьдарч буй орчны бохирдол их байна, энэ нь мэдээж хэт төвлөрлөөс эхлэлтэй, улсын сургууль, цэцэрлэгт анги дүүргэлт 40-50 хүүхэдтэй бхад арга ч гүй юм биз, дээр нь бидний ахуйн, хувийн ариун цэвэртэй холбоотой, автобус дүүрэн хүмүүс дунд амны хаалт зүүсэн хүн цөөн харагдах юм, за тэгээд өрхийн, дүүргийн гээд эмнэлгүүдийн даац хэтрээд хэдэн ч жил болж бгаа юм бэ дээ….

Avatar

Qwer 2022-10-18 124.158.90.97

qwer

Avatar

Зочин 2022-10-18 192.82.66.8

Хүүхдээ сайн хоолло, дархлааг нь нь сайн дэмж, цаг агаартаа тааруулж дулаан хувцаслаж бай, гадуур харж байхад залуу ээж аав нар оройн сэрүүнд нимгэн хувцастай цэцэрлэгээс нь авч яваа харагдах юм.

Avatar

Зочин 2022-10-18 66.181.183.56

Яана даа 3 хан сая хүн. нялх үрс маань одоо бараг жилийн 4 улирал л өвддөг боллоо.

Avatar

агаарын бохирдлоос болов 2022-10-18 202.179.15.130

Шахмал түлшний дутуу шатсан утаанаас хамаарч хүүхдийн хоолой өвдөх, ханиад тусах, хордох шинж тэмдгүүд илэрч байгаа Агаарын чанартай холбоотой шүү

Avatar

Зочин 2022-10-18 64.119.25.215

gants bie eejvvd ajil hiih nohtsol baihgvi . 1 sar haniadtai emenelgtein zuuraldaj bas em taria tengert hadsan vntei baina shvvdee.amidrah nohtsol changa baina

Avatar

зочин 2022-10-18 43.242.243.178

Эрүүл мэндийн салбарын ажлын муугийнх . Эмч сувилагчдын цаоинг 5 дахин нэмбэл иэд сайн ажиллаж эхэлнэ.. Шүүх прокурорынхон гэмт хэрэгтэнтэй ажиллахдаа цалингаа 5 дахин нэмүүлсэн_ эмч нар хүний амь аварахдаа цалингаа нэмүүлж чхдахгүй байна. Ажлын ачааллын хувьд эмч нар илүү хүнд нөхцөлд байхад шүү. Энэ төриргэдээ эрүүл байлгахыг боддоггүй гэж хэлэхээр болжээ.

Avatar

Зочин 2022-10-18 192.82.66.8

бүх юмыг бусад руу чихдэгээ болих хэрэгтэй, хүүхдэдээ дандаа бэлэн юм өгөөд байх юм, шөлтэй устай боловсруулсан хоол сайн өгөх хэрэгтэй ш дээ

NewsMN Гар утасны хувилбар Татах
NEWS.mn

Мэдээллийн эх сурвалж