Бахрейны Манама хотноо болж буй хүндийн өргөлтийн Ази тивийн аварга шалгаруулах тэмцээний эмэгтэйчүүдийн 71 кг-ын жинд ОБЕГ-ын харъяа “Аврагч” биеийн тамир техник спорт хорооны тамирчин, ОУХМ Г.Ануужин амжилттай оролцож, хос хүрэл медаль хүртсэн байна.

Тэрбээр огцом өргөлтөөр 99 кг өргөж хүрэл, түлхэлттэй өргөлтөөр 116 кг өргөж V байрт шалгаран, нийлбэр дүнгээр 215 кг өргөсөн амжилтаар хүрэл медалийн эзэн болжээ.

ОБЕГ-ын харъяа “Аврагч” биеийн тамир техник-спорт хорооноос мэдээлснээр, ОУХМ Г.Ануужин Азийн залуучуудын аварга шалгаруулах тэмцээний мөнгө, дэлхийн аваргын цомын эзэн юм байна.