Петровис Групп олон улсын хэмжээнд үйл ажиллагаа явуулдаг Австрали, Шинэ Зеландын JAS-ANZ итгэмжлэлтэй, Австралид төвтэй TQCSI.Mongolia компанийн ISO стандартын баталгаажуулалтад хамрагдаж, ISO стандарт нэвтрүүлснийг нотолсон гэрчилгээгээ хүлээн авлаа.

ISO стандартын чанар, байгаль орчин, хөдөлмөрийн эрүүл мэнд, аюулгүй байдлын удирдлагын тогтолцооны ISO9001:2015, ISO14001:2015, ISO45001:2018 стандартуудыг нэгдмэл байдлаар үйл ажиллагаандаа нэвтрүүлж, гурвалсан стандартын гэрчилгээгээ 4 дэх жилдээ амжилттай баталгаажуулж, гэрчилгээгээ гардан авлаа.

Бид нийгмийн хариуцлагын тулгын гурван чулуу гэгддэг гурван төрлийн ISO стандартын баталгаажуулах аудитад дахин амжилттай тэнцсэнээр хэрэглэгчдэдээ хамгийн чанартай бүтээгдэхүүн нийлүүлдэг, компанийн ажилтнуудынхаа эрүүл мэнд, хөдөлмөрийн аюулгүй байдлын эрсдэлийг хянаж, гүйцэтгэлээ тогтмол сайжруулдаг, мөн хүрээлэн буй орчноо хамгаалж, нийгмийн хариуцлагаа хэрэгжүүлдэг болохоо ийнхүү дахин баталгаажууллаа.