Их Британийн тагнуулын агентлаг "GCHQ"-ийн дарга Жереми Флеминг өнөөдөр /2022.10.11/ Орос, Украины дайны талаар мэдээлэл өгсөн. Тэр нийтэд мэдээлэл өгөх нь ховорхон байдаг.

Орос улс зэвсгийн нөөцөө барж буй бөгөөд цэрэг, техникийн алдагдал нь зүйрлэшгүй их болжээ. "Путин дайны эхний өдрүүдэд хүссэн амжилтаа гаргаж чадаагүй, тэр алдаатай шийдвэр гаргасан. Техник хэрэгслийн зардал Орост асар их байна. Тэдний хангамж, байлдааны хэрэгсэл дуусч байгааг бид ч мэднэ, газар дээрх Оросын командлагчид өөрсдөө ч мэднэ" гэж Флеминг хэлэв.

Түүнчлэн цэрэг дайчилгааны талаар ч Флеминг дурдсан. "Армиа хүчирхэгжүүлэхийн тулд хоригдлуудыг ашигласан. Мөн туршлагагүй цэргийн алба хаагчдыг дайчилж буй нь цөхөрсний илэрхийлэл юм" гэж тэр хэллээ.

Эх сурвалж: SKY NEWS