Жүдо бөхийн 2022 оны ДАШТ-ий зургаа дахь өдрийн барилдаанууд өнөөдөр/2022.10.11/ Узбекистан улсын нийслэл Ташкент хотод үргэлжилж байна. Энэ өдөр эрэгтэйчүүдийн -100 кг, эмэгтэйчүүдийн -78 кг-ын барилдаанууд болж буй. Монгол Улсаа төлөөлөн Б.Гончигсүрэн, Б.Эрдэнэт-Од нар барилдлаа.

Эрэгтэйчүүдийн -100 кг

• Б.Гончигсүрэн эхний тойрогтоо гоц мөргөж, удаах тойрогтоо Израилийн Петр Палчикийг ялж, тун сайн эхлэлийг тавьсан. Гэвч дараагийн тойрогтоо Канадын Кайл Рейст ялагдаж, тэмцээнээ өндөрлүүлэв.

Эмэгтэйчүүдийн -78 кг

• Б.Эрдэнэт-Од эхний тойрогтоо гоц мөргөж, дараагийн тойрогтоо Словенийн Патрициа Бролид ялагдаж, тэмцээнээ өндөрлүүлэв.

Маргааш эрэгтэйчүүдийн +100 кг болон эмэгтэйчүүдийн +78 кг-ын барилдаанууд болно. Эдгээр жинд Монгол Улсаа төлөөлөн О.Цэцэнцэнгэл, А.Адъяасүрэн нар зодоглоно.