Төв талбайд Булган аймгийн өдөрлөг болж байна. Булганчууд өдөрлөгөөрөө нутгийн брэнд болсон айргаас гадна сүү, цагаан идээ, жижиг дунд үйлдвэрийн бүтээгдэхүүнээ борлуулж байна.

Булган аймгийн Засаг даргын Тамгын газар “Хамтын ажиллагаатай булганчууд-2022” өдөрлөгийг нийслэл хотноо зохион байгуулж буй нь энэ юм. Энэ сарын амралтын өдрүүдэд Сүхбаатарын талбайд “Булганд үйлдвэрлэв” үзэсгэлэн худалдаа гаргаж, “Airag day” бизнес уулзалт зохион байгуулж байна.

Мөн шинэ зах зээл, түншлэлийг хөгжүүлэх, хөрөнгө оруулалтыг орон нутагт татах бизнес уулзалт хийж буй аж.