3,417.49
Монгол Улсын Морин хуурын чуулга Япон-Монгол улсын хооронд дипломат харилцааны 50 жилд зориулан "NHK" концeртын танхимд тоглолт хийх гэнэ. Монгол Улсын Морин хуур чуулга үүсэн байгуулагдсаны 30 жилийн ойн энэ жил тохиож буй. Ойн баярын арга хэмжээн энэ сарын 3-нд болж, Монгол Улсын Гадаад хэргийн яамнаас "Соёлын элч" болгон зарласан юм. Морин хуурын чуулгын авьяаслаг хамт олон 30 жилийн хугацаанд дэлхийн 30 гаруй улсад, 85 удаагийн аяллаар 650 тоглолт хийсэн байна.
Морин хуурын чуулгынхан 2021 онд ОХУ болон Монгол Улсын хооронд дипломат харилцаа тогтоосны 100 жилийн ойг тохиолдуулан ОХУ-ын алдарт "Мариинский" театрын тайзнаа урилгаар тоглолтоо хийж байв.
Морин хуурын чуулга нь анхны тоглолтоо 1993 оны дөрөвдүгээр сарын 16-нд Дуурь, бүжгийн эрдмийн театрт хийснээр Монголын хөгжмийн урлагийн түүхэнд нэгэн шинэ хуудас нээж байв. Чуулгыг үүсгэн байгуулагч нь уран сайхны удирдагч, Ардын жүжигчин Ц.Батчулуун агсан билээ.
Холбоотой мэдээ